മലപ്പുറം മഞ്ചേരിയില്‍ അയ്യപ്പഭക്തര്‍ സഞ്ചരിച്ച ബസ് ഓട്ടോയിലിടിച്ച് അഞ്ചു മരണം. നാലുപേര്‍ക്ക് അപകടത്തില്‍ പരിക്കേറ്റു. മഞ്ചേരി അരീക്കോട് റോട്ടില്‍ ചെട്ടിയങ്ങാടിയിലായിരുന്നു അപകടം.
വൈകുന്നേരം ആറുമണിയോടെ സംഭവം. കര്‍ണാടകയില്‍ നിന്ന് അയ്യപ്പ ഭക്തരുമായി വന്ന ബസ്സ് ചെട്ടിയങ്ങാടിയില്‍ വെച്ച് എതിരേ വന്ന ഓട്ടോയില്‍ ഇടിയ്ക്കുകയായിരുന്നു. ഓട്ടോയിലുള്ളവരാണ് മരിച്ചവരെല്ലാം. ഓട്ടോ ഡ്രൈവര്‍ അബ്ദുള്‍ മജീദ്, മഞ്ചേരി താമരശ്ശേരി സ്വദേശികള്‍ മുഹ്‌സിന, തെസ്‌നിമ, മുഹമ്മദ് ഹസ്സന്‍, മോളി, എന്നിവരാണ് മരിച്ചത്. നാലു പേര്‍ക്ക് പരിക്കേറ്റു. ഇവരെ മഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
Also Read: വയനാട് കടുവയുടെ ആക്രമണം; കടുവയെ പിടിക്കാനുള്ള ദൗത്യം ഒരാഴ്ച പിന്നിട്ടു
ഒരാളുടെ നില ഗുരുതരമാണ്. അപകടത്തില്‍ ഓട്ടോ പൂര്‍ണമായും തകര്‍ന്നു. മരിച്ച അബ്ദുള്‍ മജീദിന്റെ വീട്ടിലേക്ക് വിവാഹച്ചടങ്ങില്‍ പങ്കെടുക്കാന്‍ പോയവരാണ് അപകടത്തില്‍പ്പെട്ടത്. മൃതദേഹങ്ങള്‍ മഞ്ചേരി മെഡിക്കല്‍ കോളേജില്‍ സൂക്ഷിച്ചിരിക്കുകയാണ്. നാട്ടുകാരും പൊലീസും ചേര്‍ന്നാണ് രക്ഷാപ്രവര്‍ത്തനം നടത്തിയത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
