പ്ലിമൗത്ത് ആർഗൈൽ മാനേജർ വെയ്ൻ റൂണിക്ക് വിലക്ക് ഏർപ്പെടുത്തി ഫുട്ബോൾ അസോസിയേഷൻ. ഈ മാസം ആദ്യം നടന്ന ചാമ്പ്യൻഷിപ്പ് മത്സരത്തിൽ ബ്ലാക്ക്ബേൺ റോവേഴ്സിനെതിരെ ജയിച്ചതിന് ശേഷം മാച്ച് ഒഫീഷ്യലിനോട് മോശമായി പെരുമാറിയതിന് തുടർന്നാണ് നടപടി. ഇനി നടക്കാനിരിക്കുന്ന ഒരു മത്സരത്തിൽ നിന്നാണ് എഫ്എ അദ്ദേഹത്തെ വിലക്കിയിരിക്കുന്നത്.
മത്സരത്തിനിടെ മോശം പെരുമാറ്റത്തെ തുടർന്ന് റഫറി ജെയിംസ് ലിനിംഗ്ടൺ റൂണിക്ക് ചുവപ്പ് കാർഡ് നൽകിയിരുന്നു. ശേഷം പിച്ചിൽ നിന്നും അദ്ദേഹം മടങ്ങിയെങ്കിലും 97-ാം മിനിറ്റിൽ മോർഗൻ വിറ്റേക്കറുടെ വിജയത്തെ ആഘോഷിക്കാൻ പിച്ചിൽ തിരിച്ചെത്തിയിരുന്നു.
വിലക്കിന് പുറമെ 5,500 പൗണ്ട് ($7,180.25) പിഴയും എഫ്എ റൂണിയ്ക്ക് വിധിച്ചിട്ടുണ്ട്. മെയ് മാസത്തിലാണ് റൂണി പ്ലിമൗത്ത് മാനേജരായി നിയമിതനായത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
