യുഎസിലെ ബാള്‍ട്ടിമോറിലെ ഫ്രാന്‍സിസ് സ്‌കോട്ട് കീ പാലം കണ്ടെയ്‌നര്‍ കപ്പല്‍ ഇടിച്ചതിനെ തുടര്‍ന്ന് തകര്‍ന്നു. ചൊവ്വാഴ്ച രാവിലെ 1.30ഓടെയാണ് സംഭവം. അപകടത്തിന്റെ ഞെട്ടിക്കുന്ന ദൃശ്യങ്ങളാണ് പുറത്തുവന്നിരിക്കുന്നത്. പാലത്തിന്റെ സ്റ്റീല്‍ ആര്‍ച്ചുകള്‍ തകര്‍ന്ന് പറ്റാപ്‌സ്‌കോ നദിയിലേക്ക് വീഴുന്നത് വീഡിയോയില്‍ കാണാം.
ALSO READ: ഏതു സമയത്ത് കുളിക്കുന്നതാണ് ആരോഗ്യത്തിന് നല്ലത്? അറിയാം ചില കാര്യങ്ങള്‍
2.6 കിലോമീറ്റര്‍ നീളമുള്ള പാലത്തില്‍ ആ സമയം എത്ര വാഹനങ്ങള്‍ ഉണ്ടായിരുന്നു എന്ന കാര്യത്തില്‍ കൃത്യമായ കണക്കുകളില്ല. സിനര്‍ജി മറൈന്‍ ഗ്രൂപ്പിന്റെ ചരക്കുകപ്പലായ ഡാലിയാണ് പാലത്തിലെ ഒരു തൂണില്‍ വന്നിടിച്ചത്. ആ സമയം നിരവധി വാഹനങ്ങള്‍ കടന്നുപോകുന്നുണ്ടായിരുന്നു എന്നാണ് നിഗമനം. ആദ്യം ഏഴോളം പേര്‍ വെള്ളത്തില്‍ വീണതായാണ് റിപ്പോര്‍ട്ട് വന്നത്. ഇപ്പോള്‍ ഏകദേശം ഇരുപതോളം പേരാണ് നദിയില്‍ പതിച്ചതെന്നാണ് ബാള്‍ട്ടിമോര്‍ സിറ്റി ഫയര്‍ ഡിപ്പാര്‍ട്ട്‌മെന്റിന്റെ റിപ്പോര്‍ട്ട് .
ALSO READ: ജീവിതത്തിൽ ഒരിക്കൽ മാത്രമേ സംഭവിക്കൂ; ആടുജീവിതത്തിനു ആശംസകളുമായി സൂര്യ
അപകടത്തെ തുടര്‍ന്ന് നദിയില്‍ വലിയയളവില്‍ ഡീസല്‍ കലരുകയും കപ്പലിന് തീപിടിക്കുകയും ചെയ്തിട്ടുണ്ട്. പാലം തകര്‍ന്നതോടെ ഗതാഗതം തിരിച്ചുവിട്ടിരിക്കുകയാണ്. ഡൈവ് ആന്‍ഡ് റെസ്‌ക്യു ടീം തെരച്ചില്‍ തുടരുകയാണ്.
🚨#BREAKING: Up to 20 people were on the Francis Scott Key Bridge in Baltimore at the time of the collapse. The cargo ship has a breach in the hull, causing it to list to one side, with reports of a strong smell of diesel fuel pic.twitter.com/uid1snomUI
— R A W S A L E R T S (@rawsalerts) March 26, 2024
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
