ട്രംപിന്‍റെ വിജയം; ഗാസയിലെ വെടിനിർത്തൽ ചർച്ചകൾ വൈകിയേക്കും

അമേരിക്കൻ ​പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ ഡോ​ണ​ൾ​ഡ് ട്രം​പി​ന്‍റെ വി​ജ​യത്തോടെ ഗാസ വെ​ടി​നി​ർ​ത്ത​ൽ ച​ർ​ച്ച​ക​ൾ വീണ്ടും വൈകിയേക്കുമെന്ന് സൂ​ച​ന. പ്ര​സി​ഡ​ന്റ് ജോ ​ബൈ​ഡ​ന്‍റെ നേതൃ​ത്വ​ത്തി​ൽ ന​ട​ത്തി​യ സ​മാ​ധാ​ന ച​ർ​ച്ച​ക​ൾ പരാജ​യ​പ്പെ​ട്ട​തോ​ടെ, തെ​ര​ഞ്ഞെ​ടു​പ്പ് പൂ​ർ​ത്തി​യാ​കാ​ൻ കാ​ത്തി​രി​ക്കു​ക​യാ​യി​രു​ന്നു ഖ​ത്ത​റി​ന്റെ​യും ഇ​സ്രാ​യേ​ലി​ന്‍റെയും ഗ​സ്സ​യു​ടെ​യും നേ​തൃ​ത്വം. വെ​ടി​നി​ർ​ത്ത​ൽ ച​ർ​ച്ച​ക​ൾ വീ​ണ്ടും പു​ന​രാ​രം​ഭി​ക്കു​ക​യാ​ണെ​ങ്കി​ൽ ട്രം​പ് സത്യപ്രതിജ്ഞ ചെ​യ്ത് അ​ധി​കാ​ര​മേ​ൽ​ക്കു​ന്ന ജ​നു​വ​രി 20വ​രെ കാ​ത്തി​രി​ക്കേ​ണ്ടി​വ​രും.

ഒ​രു വ​ർ​ഷ​ത്തി​ലേ​റെ​യാ​യി തു​ട​രു​ന്ന ഗാസ ആ​ക്ര​മ​ണം ട്രം​പ് ഏ​തു രീ​തി​യി​ൽ കൈ​കാ​ര്യം ചെ​യ്യു​മെ​ന്ന കാ​ര്യ​വും പ്രവചനാതീതമാണ്. എ​ങ്കി​ലും ഇ​സ്രാ​യേ​ലി​ന്‍റെ ഗാസ ആ​ക്ര​മ​ണം അവ​സാ​നി​പ്പി​ക്ക​ണ​മെ​ന്ന് ട്രം​പ് തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നി​ട​യി​ൽ ആ​വ​ശ്യ​പ്പെ​ട്ടി​രു​ന്നു. യു​ദ്ധം തു​ട​ങ്ങി​ല്ലെ​ന്നും യു​ദ്ധ​ങ്ങ​ൾ അ​വ​സാ​നി​പ്പി​ക്കാ​ൻ പോ​വു​ക​യാ​ണെ​ന്നു​മാ​ണ് വി​ജ​യ പ്ര​സം​ഗ​ത്തി​ൽ അ​ദ്ദേ​ഹം പ​റ​ഞ്ഞ​ത്.

ALSO READ; ഫെമ ലംഘനം: രാജ്യത്തെ ആമസോൺ, ഫ്ലിപ്കാർട്ട് ഓഫീസുക‍ളിൽ ഇഡി റെയ്ഡ്

അ​തേ​സ​മ​യം, യുഎ​സ് തെ​ര​ഞ്ഞെ​ടു​പ്പ് ഫ​ലം പു​റ​ത്തു​വ​ന്ന ശേ​ഷമേ വെ​ടി​നി​ർ​ത്ത​ൽ ച​ർ​ച്ച​ക​ളി​ൽ ന​ട​പ​ടി സ്വീ​ക​രി​ക്കൂവെന്നാണ് ഇ​സ്രാ​യേ​ൽ പ്രധാന​മ​ന്ത്രി ബി​ന്യ​മി​ൻ നെ​ത​ന്യാ​ഹു​ നി​ല​പാ​ടെടുത്തത്. ബൈ​ഡ​ൻ ഭ​ര​ണ​കൂ​ട​വും മ​ധ്യ​സ്ഥ​രും മു​ന്നോ​ട്ടു​വെ​ച്ച മൂ​ന്നു​ഘ​ട്ട വെ​ടി​നി​ർ​ത്ത​ൽ പ​ദ്ധ​തി അം​ഗീ​ക​രി​ക്കാ​ൻ നെ​ത​ന്യാ​ഹു ത​യാ​റാ​യി​രു​ന്നി​ല്ല.

ട്രം​പ് ഭ​ര​ണ​കൂ​ടം അ​ധി​കാ​ര​ത്തി​ലെ​ത്തി​യി​ട്ട് നി​ല​പാ​ട് തീ​രു​മാ​നി​ക്കാ​മെ​ന്നാ​ണ് ഹ​മാ​സ് നേ​തൃ​ത്വവും അ​റി​യി​ച്ചിരിക്കുന്നത്. ഫ​ല​സ്തീ​ൻ ജ​ന​ത​യോ​ടും അ​വ​രു​ടെ അ​വ​കാ​ശ​ങ്ങ​​ളോ​ടു​മു​ള്ള പു​തി​യ അ​മേ​രി​ക്ക​ൻ ഭ​ര​ണ​കൂ​ട​ത്തി​ന്റെ നി​ല​പാ​ടും പ്രാ​യോ​ഗി​ക ന​യ​ങ്ങ​ളെ​യും ആ​ശ്ര​യി​ച്ചാ​യി​രി​ക്കും ത​ങ്ങ​ളു​ടെ സ​മീ​പ​ന​മെ​ന്ന് ഹ​മാ​സ് വ്യ​ക്ത​മാ​ക്കി​യി​ട്ടു​ണ്ട്.