തമിഴ്‌നാട്ടിലെ കോയമ്പത്തൂരിൽ ഓടിക്കൊണ്ടിരുന്ന ബസിന് തീപിടിച്ചു. അപകടത്തിൽ ആരും പരിക്കില്ല. ബസ് പൂര്‍ണമായും കത്തി നശിച്ചു. പൊള്ളാച്ചിയില്‍ നിന്ന് കോയമ്പത്തൂരിലേക്ക് പോവുകയായിരുന്ന സര്‍ക്കാര്‍ ബസിനാണ് തീപിടിച്ചത്. ബസ് ഡ്രൈവറുടെ സമയോചിത ഇടപെടലോടെയാണ് വൻ ദുരന്തം ഒഴിവായത്.
ഡ്രൈവർ ബസിൽ പുക പടരുന്നത് കണ്ടതും ഉടനെ ബസ് നിര്‍ത്തി തീ പടരുന്നതിന് മുന്‍പേ യാത്രക്കാരെ പുറത്തിറക്കുകയായിരുന്നു. ബസ് ഒതക്കല്‍ മണ്ഡപം ഭാഗത്ത് എത്തിയപ്പോഴായിരുന്നു സംഭവം. ബസിൽ 50 ഓളം യാത്രക്കാർ ഉണ്ടായിരുന്നു. യാത്രക്കാരെ മുഴുവനായി ഇറക്കിയതും ബസിന് മുഴുവനായും തീപടരുകയായിരുന്നു.
സംഭവം അറിഞ്ഞ ഉടൻ തന്നെ ഫയര്‍ ആന്‍ഡ് റസ്‌ക്യൂ സര്‍വീസ് സംഘം സംഭവസ്ഥലത്തെത്തി. അരമണിക്കൂറോളമെടുത്താണ് തീയണച്ചത്. തീപിടിത്തം ഉണ്ടാകാനുള്ള കാരണം കണ്ടെത്താന്‍ അന്വേഷണം നടക്കുകയാണ്.
News Summary- A bus caught fire while running in Coimbatore, Tamil Nadu. No one was injured in the accident. The bus was completely burnt
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
