മഹാരാഷ്ട്രയിൽ തിരഞ്ഞെടുപ്പ് പടിവാതിക്കൽ എത്തി നിൽക്കവേ യുവാക്കളെ കൈയിലെടുക്കാൻ തൊഴിൽ പരിശീലന ധന സഹായ പദ്ധതി പ്രഖ്യാപിച്ച് സർക്കാർ. കഴിഞ്ഞ ദിവസം പണ്ടർപൂർ തീർഥാടനത്തോടനുബന്ധിച്ചാണ് മുഖ്യമന്ത്രി ഏക്‌നാഥ് ഷിൻഡെ പ്രഖ്യാപനം നടത്തിയത്. തൊഴിൽ പരിശീലന കാലയളവിൽ ബിരുദമുള്ളവർക്ക് 10000 രൂപയും ഡിപ്ലോമയുള്ളവർക്ക് 8000 രൂപയും പന്ത്രണ്ടാം ക്ലാസ് പാസ്സായ ഉദ്യോഗാർത്ഥികൾക്ക് 6000 രൂപയും നൽകുമെന്നാണ് മുഖ്യമന്ത്രി പ്രഖ്യാപിച്ചത്.
Also Read: ഗുരുദേവ കോളേജ് വിഷയം; എസ്എഫ്‌ഐക്കെതിരെ മാധ്യമങ്ങള്‍ നടത്തുന്നത് ഏകപക്ഷീയ ആക്രമണമെന്ന് പി എം ആര്‍ഷോ
അതെ സമയം തിരഞ്ഞെടുപ്പ് സംജാതമായ വേളയിൽ യുവാക്കളെ കൈയ്യിലെടുക്കാൻ ലക്ഷ്യമിട്ടുള്ള പ്രഖ്യാപനമാണിതെന്നാണ് വിലയിരുത്തൽ. വാർഷിക വരുമാനം രണ്ടര ലക്ഷത്തിൽ താഴെയുള്ള കുടുംബങ്ങളിലെ 21 മുതൽ 65 വയസ്സ് വരെയുള്ള സ്ത്രീകൾക്ക് പ്രതിമാസം 1500 രൂപ ധനസഹായം നൽകാനും സർക്കാർ തീരുമാനമായി.
മൂന്ന് മാസത്തിനകം നിയമസഭാ തിരഞ്ഞെടുപ്പ് നടക്കാനിരിക്കെയാണ് വാരിക്കോരിയുള്ള സർക്കാർ വാഗ്ദാനങ്ങളെന്നും പ്രിയ സഹോദരി, പ്രിയ സഹോദരൻ, പ്രിയപ്പെട്ട മുത്തച്ഛൻ തുടങ്ങി നിരവധി പദ്ധതികളാണ് വന്നു കൊണ്ടിരിക്കുന്നതെന്നും കോൺഗ്രസ് എംഎൽഎ വിശ്വജിത്ത് കദം വിമർശിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
