ഉത്തർപ്രദേശിലെ മീററ്റിൽ വിവാഹ ഘോഷയാത്രയ്ക്കിടെ തന്‍റെ ക‍ഴുത്തിൽ കിടന്ന നോട്ടുമാല അടിച്ചു മാറ്റി രക്ഷപ്പെട്ട കള്ളനെ സിനിമാ സ്റ്റൈലിൽ പിന്തുടർന്ന് പിടികൂടി വരൻ. ആചാര പ്രകാരം വരൻ കുതിരപ്പുറത്ത് കയറി വരുമ്പോഴായിരുന്നു മോഷണം. ദേശീയപാതയിൽ വെച്ചാണ് സംഭവം നടന്നത്. ഉടൻ തന്നെ ‘ചടങ്ങൊക്കെ പിന്നെ’ എന്ന മട്ടിൽ കുതിരപ്പുറത്ത് നിന്ന് ചാടിയിറങ്ങിയ വരൻ, പിറകെ വന്ന ബൈക്കിൽ കള്ളനെ ചേയ്സ് ചെയ്തു പിടിക്കുകയായിരുന്നു.
മിനി ട്രക്ക് ഡ്രൈവറാണ് വരന്‍റെ കഴുത്തിലുണ്ടായിരുന്ന നോട്ട് മാലയിൽ നിന്ന് കറൻസികൾ തട്ടിപ്പറിച്ചെടുത്തത്. തൊട്ടടുത്ത് എത്തിയതോടെ വരൻ ബൈക്കിൽ നിന്ന് ചാടി, മിനി ട്രക്കിലേക്ക് കയറാൻ ശ്രമിക്കുന്നത് വീഡിയോയിൽ കാണാം. വൈകാതെ ട്രക്കിലേക്ക് ചാടിക്കയറി വാഹനം നിർത്തിച്ച വരൻ മാല തിരിച്ചെടുക്കുകയും ചെയ്തു. അതിസാഹസികമായാണ് വരൻ ഓടിക്കൊണ്ടിരുന്ന ബൈക്കിൽ നിന്ന് ട്രക്കിൽ കയറി നോട്ടുമാല തിരികെ വാങ്ങിയത്.
പിന്നാലെ വരൻ ഡ്രൈവറെ വാഹനത്തിൽ നിന്ന് ബലമായി പിടിച്ചിറക്കി മർദിക്കുകയും ചെയ്തു. ബൈക്ക് ഓടിച്ചയാളും മറ്റ് രണ്ട് പേരും മർദിക്കാൻ ഒപ്പം ചേരുന്നതും വീഡിയോയിൽ കാണാം. ട്രക്ക് ഓടിക്കവേ അബദ്ധവശാൽ നോട്ട് മാല തന്‍റെ കയ്യിൽപ്പെടുകയായിരുന്നുവെന്നും മോഷ്ടിച്ചതല്ലെന്നും ഡ്രൈവർ പറഞ്ഞു. തന്നെ വെറുതെ വിടണമെന്നും അപേക്ഷിച്ചു. വീഡിയോ സോഷ്യൽ മീഡിയയിൽ വൈറലായെങ്കിലും സംഭവത്തിൽ ആരും പൊലീസിൽ പരാതി നൽകിയിട്ടില്ല.
#मेरठ में दुल्हा घुड़चढ़ी पर था. उसकी नोटों की माला से एक चोर नोट खींचकर भागा
— Narendra Pratap (@hindipatrakar) November 24, 2024
शादी की रस्में छोड़कर दुल्हा चोर के पीछे भागा. चोर ने लोडर स्टार्ट किया और निकलने लगा. दौड़ते लोडर में खिड़की से दूल्हे ने एंट्री मारी तो चोर लोडर छोड़ भागने लगा
दूल्हे ने चोर पकड़ा और जमकर धुनाई की pic.twitter.com/7liYToncMP
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
