‘അയാളൊരു മനുഷ്യനല്ല’; ബാക്ഹീൽ വോളിയിൽ ലോകത്തെ അമ്പരിപ്പിച്ച് ഹാലണ്ട്

യുവേഫ ചാംപ്യൻസ് ലീ​ഗിൽ മാഞ്ചസ്റ്റർ സിറ്റിയുടെ എർലിങ് ഹാലണ്ടിന്റെ അത്ഭുത ​ഗോൾ ഫുട്ബോൾ ലോകത്തെ അമ്പരപ്പിച്ചിരിക്കുകയാണ്. ചെക്ക് റിപ്പബ്ലിക്കൻ ക്ലബായ എസി സ്പാർട്ട പ്രാഗിനെതിരെയായിരുന്നു മാഞ്ചസ്റ്റർ സിറ്റി താരത്തിന്റെ അത്ഭുത ​ഗോൾ. കളിയുടെ 58-ാം മിനിറ്റിലായിരുന്നു വിസ്മയ ​ഗോൾ പിറന്നത്.

ഏകദേശം 20 അടിയോളം ഉയരത്തിൽ വന്ന ബ്രസീലിയൻ താരം സാവിഞ്ഞോയുടെ ക്രോസ് അന്തരീഷത്തിൽ ഉയർന്ന് ചാടി ഇടംകാലിന്റെ ഉപ്പൂറ്റികൊണ്ട് പന്തിനെ തട്ടി ഹാലണ്ട് വലയിലാക്കി.

Also Read: പദ്ധതികൾ വിജയകരം: ന്യൂസിലൻഡിനെ സ്പിന്നിൽ കുരുക്കിയിട്ട് ഇന്ത്യ

ഹാലണ്ടിന്റെ ബാക്ഹീൽ വോളി ​കണ്ട് അത്ഭുതപ്പെട്ട മാഞ്ചസ്റ്റർ സിറ്റി പരിശീലകൻ പെപ് ​ഗ്വാർഡിയോള ‘അയാളൊരു മനുഷ്യനല്ല’ എന്നാണ് പ്രതികരിച്ചത്. സ്വീഡീഷ് മുൻ ഇതിഹാസം സ്ലാറ്റൻ ഇബ്രാഹിമോവിച്ചിനെപ്പോലെ അവിശ്വസനീയമായ കഴിവാണ് ഹാലണ്ടിനുള്ളതെന്നും അദ്ദേഹം പറഞ്ഞു.

മറ്റാർക്കും ഇല്ലാത്ത കഴിവുകൾ ഹാലണ്ടിന് ഉണ്ടെന്നാണ് മാഞ്ചസ്റ്റർ സിറ്റി സഹതാരം ഫിൽ ഫോഡൻ ​ഗോളിനോട് പ്രതികരിച്ചത്. ഹാലണ്ട് എങ്ങനെയാണ് ആ ​ഗോൾ നേടിയതെന്ന് എനിക്ക് അറിയില്ലെന്നും അദ്ദേഹം പറഞ്ഞു.

Also Read: ഇതൊക്കെയെന്ത്! ലോക ടെസ്റ്റ് ചാംപ്യൻഷിപ്പിൽ മിന്നുന്ന റെക്കോർഡുമായി അശ്വിൻ

എതിരില്ലാത്ത അഞ്ച് ​ഗോളുകൾക്കാണ് മാഞ്ചസ്റ്റർ സിറ്റി സ്പാർട്ട പ്രാഗിനെ തകർത്തത്. ഹാലണ്ട് ഇരട്ട ​ഗോൾ നേടിയ മത്സരത്തിൽ ഫിൽ ഫോഡൻ, ജോൺ സ്റ്റോൺസ്, മാത്തിയസ് ന്യൂനസ് എന്നിവർ ഓരോ ​ഗോൾ നേടി.