ഉണക്കമുന്തിരി ആരോഗ്യത്തിന് വളരെ നല്ലതാണ്. ദിവസേന ഉണക്ക മുന്തിരി കഴിക്കുന്നത് പല ആരോഗ്യ പ്രശ്നങ്ങൾക്കും പരിഹാരമാണ്. ശരിരത്തിലെ ജലാംശം വർദ്ധിപ്പിക്കാനും ദഹനപ്രശനങ്ങൾ പരിഹരിക്കാനും ഉണക്കമുന്തിരി ഉത്തമമാണ്. പ്രതിരോധശേഷിയുടെ കുറവ് മൂലം പലതരം ആരോഗ്യപ്രശ്നങ്ങൾ അലട്ടുന്നവർക്ക് ഉണക്കമുന്തിരി കഴിക്കുന്നത് ഗുണം ചെയ്യുമെന്ന് വിദഗ്ധർ പറയുന്നു.
ഉണക്കമുന്തിരി രാത്രി മുഴുവൻ വെള്ളത്തിൽ കുതിർത്ത് കഴിക്കുന്നത് വളരെ നല്ലതാണ്. ഇത് ദഹനപ്രശ്നങ്ങൾ കുറയ്ക്കും. ശ്വാസകോശ വീക്കം, വരണ്ട ചുമ എന്നിവ കുറയ്ക്കാൻ ഉണക്ക മുന്തിരിയുടെ ഉപയോഗം നല്ലാതണെന്നുമാണ് വിദഗ്ധർ പറയുന്നത്.
Also read:സ്മാർട്ട് വാച്ച് അത്ര ‘സ്മാർട്ട്’ അല്ല; ആരോഗ്യം അപകടത്തിലായേക്കാം!
ഉണക്ക മുന്തിരി ഭക്ഷണത്തിൽ ഉൾപ്പെടുത്തുന്നതിന്റെ ഗുണങ്ങൾ:
- മലബന്ധം പോലുള്ള പ്രശ്നങ്ങൾ ഒഴിവാക്കാനും ദഹന പ്രക്രിയയെ സഹായിക്കാനും ദഹനേന്ദ്രിയ വ്യവസ്ഥയെ ആരോഗ്യമുള്ളതാക്കാനും ഉണക്കമുന്തിരി ദിവസേന ഭകഷണത്തിൽ ഉൾപ്പെടുത്താം.
- പ്രതിരോധശേഷി കൂട്ടാനും ഉറക്ക പ്രശ്നങ്ങൾക്ക് പരിഹാരമേകാനും ഉണക്ക മുന്തിരി ദിവസേന ശീലമാക്കാം.
- ആന്റിഓക്സിഡന്റുകളോടൊപ്പം പൊട്ടാസ്യം, അയൺ, ബി കോംപ്ലക്സ് വിറ്റാമിനുകൾ തുടങ്ങിയവയും അടങ്ങിയതിനാല് ഇവ രക്തസമ്മര്ദ്ദം നിയന്ത്രിക്കാന് സഹായിക്കുന്നു.
- ഉണക്ക മുന്തിരി ഇരുമ്പിൻ്റെ പ്രധാന ഉറവിടമായി പ്രവർത്തിക്കുന്നു. ഇരുമ്പിൻ്റെ കുറവുള്ള അനീമിയ രോഗമുള്ളവർക്ക് ഇത് പ്രത്യേകിച്ചും പ്രയോജനം ചെയ്യും.
- പല്ലുകളുടെ ആരോഗ്യത്തിനും ഉണക്ക മുന്തിരി നല്ലതാണ്. പല്ലിലെ ഇനാമലിനെ സംരക്ഷിക്കാന് കാത്സ്യം ധാരാളമടങ്ങിയ ഉണക്കമുന്തിരി കഴിക്കുന്നത് നല്ലതാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
