നിപ പ്രതിരോധ പ്രവർത്തനം: വീട് വിടാന്തരം കയറിയിറങ്ങി ആരോഗ്യ പ്രവർത്തകർ

നിപ വൈറസ് ബാധ സ്ഥിരീകരിച്ച സ്ഥലങ്ങളിൽ പ്രതിരോധ പ്രവർത്തനം ഊർജിതമാക്കി ആരോഗ്യ പ്രവർത്തകർ. ഇന്ന് 11959 വീടുകളിൽ ഗൃഹ സന്ദർശനങ്ങൾ പൂർത്തിയായി. കണ്ടെയിൻമെന്റ് സോണുകളിൽ ഉൾപ്പെട്ട വാർഡുകളിലെ ആകെ 34617 വീടുകളിലാണ് ആരോഗ്യ പ്രവർത്തകർ സന്ദർശനം നടത്തിയത്.

also read :ആമസോൺ വനത്തിൽ വിനോദസഞ്ചാരികളുമായി പോയ ചെറുവിമാനം തകർന്നുവീണു; 14 പേർ കൊല്ലപ്പെട്ടു

ജില്ലയിലെ വിവിധ പഞ്ചായത്ത്, മുനിസിപ്പാലിറ്റി, കോർപ്പറേഷൻ എന്നിവിടങ്ങളിലെ വിവിധ വാർഡുകളിലാണ് ഗൃഹ സന്ദർശനം നടത്തുന്നത്. വില്യാപ്പള്ളിയിൽ 551 വീടുകളും , മരുതോങ്കര 701, ചെറുവണ്ണൂർ 2204, ബേപ്പൂർ 2884, നല്ലളം 928, ഫറോക്ക് 4202 വീടുകളിലും ഉൾപ്പെടെ വിവിധ ഭാഗങ്ങളിലായി 11959 വീടുകളിലാണ് ഇന്ന് ഗൃഹ സന്ദർശനം പൂർത്തിയായത്.

also read :പ്രണയം നടിച്ച് തട്ടിക്കൊണ്ടുപോയി പീഡനം: പ്രതിയെ എറണാകുളത്തുനിന്നും പിടികൂടി

തദ്ദേശ സ്വയംഭരണ സ്ഥാപനങ്ങളിലെ സർക്കാർ ആരോഗ്യ സ്ഥാപനങ്ങൾ, ആർ.ആർ.ടി എന്നിവരുടെ നേതൃത്വത്തിലാണ് വീടുകൾ സന്ദർശിക്കുന്നത്. വരും ദിവസങ്ങളിലും ഗൃഹ സന്ദർശനം തുടരും.