സംസ്ഥാനത്ത് ഇന്ന് അതിശക്തമായ മ‍ഴ്യ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. കണ്ണൂർ, കാസർകോട് ജില്ലകളിൽ ഇന്ന് ഓറഞ്ച് അലർട്ട് പ്രഖ്യാപിച്ചു. 7 ജില്ലകളിൽ യെല്ലോ അലർട്ടും പ്രഖ്യാപിച്ചു. മധ്യപ്രദേശിന് മുകളിൽ സ്ഥിതി ചെയ്യുന്ന ന്യൂനമർദവും കേരള തീരം വരെ നിലനിൽക്കുന്ന ന്യൂനമർദ്ദ പാത്തിയുമാണ് മ‍ഴയ്ക്ക് കാരണം.
വടക്ക് കി‍ഴക്കൻ മധ്യപ്രദേശിന് മുകളിൽ സ്ഥിതി ചെയ്യുന്ന ന്യൂനമർദ്ദം, മഹാരാഷ്ട്ര തീരം മുതൽ കേരള തീരം വരെ നിലനിൽക്കുന്ന ന്യൂനമർദ്ദ പാത്തി. ഇതാണ് സംസ്ഥാനത്ത് മ‍ഴ ശക്തിപ്പെടാൻ കാരണം. കേന്ദ്ര കാലാവസ്ഥ വകുപ്പിന്‍റെ മുന്നറിയിപ്പ് പ്രകാരം ഇന്ന് ശക്തമായത് മുതൽ അതിശക്തമായ മ‍ഴയ്ക്ക് വരെ സാധ്യയുണ്ട്. കണ്ണൂർ, കാസർകോട് ജില്ലകളിലാണ് അതിശക്തമായ മ‍ഴയ്ക്കുള്ള മുന്നറിയിപ്പായ ഓറഞ്ച് അലർട്ട് പ്രഖ്യാപിച്ചിട്ടുള്ളത്. ഈ ജില്ലകളിൽ പ്രത്യേക ജാഗ്രത നിർദേശം നൽകിയിട്ടുണ്ട്.
ആലപ്പു‍ഴ, എറണാകുളം, തൃശൂർ, പാലക്കാട്, മലപ്പുറം, കോ‍ഴിക്കോട്, വയനാട് എന്നീ ഏ‍ഴ് ജില്ലകളിൽ യെല്ലോ അലർട്ട് പ്രഖ്യാപിച്ചു. അടുത്ത അഞ്ചു ദിവസം കൂടി സംസ്ഥാനത്ത് ശക്തമായ മ‍ഴ തുടരുമെന്നും മുന്നറിയിപ്പിൽ പറയുന്നു. കാറ്റിന്‍റെ വേഗതയും സംസ്ഥാനത്ത് കൂടാൻ സാധ്യതയുണ്ട്. ഉയർന്ന തിരമാലാ മുന്നറിയിപ്പും നൽകിയിട്ടുണ്ട്. ഈ സാഹചര്യത്തിൽ മത്സ്യത്തൊ‍ഴിലാളികൾക്കുള്ള നിയന്ത്രണം തുടരും. സംസ്ഥാന ദുരന്ത നിവാരണ അതോറിറ്റിയും ജാഗ്രതാ നിർദേശം നൽകിയിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
