സോഷ്യൽ മീഡിയയിൽ താരങ്ങൾ ആവാൻ എന്തും ചെയ്യാൻ റെഡിയായി നിൽക്കുന്ന ഒരു കൂട്ടം മനുഷ്യരുണ്ട്. നന്മ മുതൽ തിന്മ വരെ എന്ത് വഴിയും അതിന് വേണ്ടി അവർ തെരഞ്ഞെടുക്കാറുണ്ട്. ഇപ്പോഴിതാ ഇത്തരത്തിൽ നന്മ കൊണ്ട് വൈറലാകാൻ ശ്രമിച്ച ഒരു പെൺകുട്ടിയുടെ വീഡിയോ ആണ് സമൂഹ മാധ്യമങ്ങളിൽ ചർച്ചയാകുന്നത്.
‘ഇതാണ് പപ്പയുടെ യഥാര്‍ത്ഥ മാലാഖ’ എന്ന കുറിപ്പോടെ ഉത്തരേന്ത്യയിൽ നിന്നും പങ്കുവയ്ക്കപ്പെട്ട ഒരു പെൺകുട്ടിയുടെ വീഡിയോ ആണ് ഇപ്പോൾ ട്രോളുകളും വിമർശനങ്ങളും ഏറ്റുവാങ്ങുന്നത്. ഒരു ഫ്ലൈഓവറിലൂടെ കയറ്റം കയറുന്ന ഒരു റിക്ഷാവാലയ്ക്ക് പിന്നാലെ ഓടുന്ന ഒരു യുവതിയില്‍ നിന്നാണ് വൈറലായ ഈ വീഡിയോ ആരംഭിക്കുന്നത്. യുവതി ഫ്ലൈ ഓവറിന്‍റെ കയറ്റം കയറാന്‍ റിക്ഷാവാലയെ സഹായിക്കുന്നതും, ഫ്ലൈ ഓവര്‍ കയറിയ ശേഷം യുവതി റിക്ഷാവാലയ്ക്ക് ഒരു കുപ്പി വെള്ളവും ടിഫിന്‍ ബോക്സും ഒരു ഷാളും നല്‍കുന്നതും വീഡിയോയില്‍ കാണാം. ഈ പെൺകുട്ടിയെയോ ഇത് ചിത്രീകരിക്കപ്പെട്ടു സ്ഥലമോ ഏതാണെന്ന് വ്യക്തമല്ല.
അതേസമയം, വലിയ വിമർശനമാണ് ഈ വിഡിയോയ്ക്കും ഇതിലുള്ള പെൺകുട്ടിക്കും എതിരെ സോഷ്യൽ മീഡിയയിൽ വന്നിരിക്കുന്നത്.
यह है असली पापा की परी।👏❤️ pic.twitter.com/Yxy7L5kuFL
— ज़िन्दगी गुलज़ार है ! (@Gulzar_sahab) May 31, 2024
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
