വെസ്റ്റ് ബംഗാളിൽ പുരാതന മുസ്ലിം പള്ളി വളപ്പിൽ ഹിന്ദു സന്ന്യാസിയും സംഘവും അനധികൃത പൂജ നടത്തി. വെസ്റ്റ് ബംഗാളിലെ മാൾഡ ജില്ലയിലെ അദിന പള്ളിയിലാണ് സംഭവമുണ്ടായത്. മാൾഡക്ക് പുറത്തുനിന്നുള്ള മഹാരാജ് ഹിരൺമയി ഗോസാമിയാണ് കഴിഞ്ഞ ദിവസം അനുയായികൾക്കൊപ്പമെത്തി പള്ളിയുടെ വളപ്പിൽ പൂജ നടത്തിയത്.
സംഭവത്തിന്റെ വാർത്ത പ്രചരിച്ചതോടെ മുസ്ലിം വിഭാഗത്തിൽപ്പെട്ട ആളുകൾ പൊലീസിനെ വിവരമറിയിക്കുകയായിരുന്നു. തുടർന്ന് പൊലീസെത്തി പൂജ നിർത്തി വെപ്പിച്ചു. ഉത്തർ പ്രദേശിലെ ഗ്യാൻവാപി പള്ളിയിൽ കോടതി വിധിയോടെ ഹിന്ദു വിഭാഗം പൂജ ആരംഭിച്ചിരുന്നു. ഇതിനുശേഷമാണ് ബംഗാളിൽ നിന്ന് മറ്റൊരു സംഭവം കൂടി പുറത്തുവന്നിരിക്കുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
