ആക്ടീവയുടെ ഇ എത്തുന്നതും കാത്ത് നിൽക്കുകയാണോ; ഉടനെയൊന്നും കേരളത്തിലെത്തില്ല കാരണം അറിയാം

ഇന്ത്യൻ വിപണിയിലെ ഏറ്റവും ജനപ്രിയമായ സ്കൂട്ടറാണ് ഹോണ്ടയുടെ ആക്ടീവ. ആക്ടിവ സ്കൂട്ടറിൻ്റെ ഇലക്ട്രിക് പതിപ്പായ ആക്ടിവ ഇ യും മറ്റൊരു ഇലക്ട്രിക് സ്കൂട്ടറും ഇവി സെ​ഗ്മന്റിൽ ഹോണ്ട അവതരിപ്പിച്ചിരിക്കുന്നത്. ഏറെ നാളായി വാഹനപ്രേമികൾ കാത്തിരിക്കുകയായിരുന്ന സ്‌കൂട്ടറിൻ്റെ വില കമ്പനി ഇതുവരെ വെളിപ്പെടുത്തിയിട്ടില്ല.

പക്ഷെ ഈ സ്കൂട്ടർ സ്വന്തമാക്കണമെങ്കിൽ ആദ്യം വാഹനം നിങ്ങളുടെ ന​ഗരത്തിൽ ലഭ്യമാണോ എന്ന അറിയണം. 2025 ജനുവരി 1 മപുതൽ ബുക്കിങ് ആരംഭിക്കുന്ന വാഹനം ഫെബ്രുവരി 1 മുതലാണ് ഡെലിവറി ചെയ്തു തുടങ്ങുക. പക്ഷെ നിലവിൽ ബെംഗളൂരു, ഡൽഹി-എൻസിആർ, മുംബൈ തുടങ്ങിയ മൂന്ന് വൻ നഗരങ്ങളിലാണ് ഈ സ്‌കൂട്ടറിൻ്റെ ഡെലിവറി ആദ്യം ആരംഭിക്കുന്നത്.

Also Read: ഈ ബൈക്കില്‍ പറപറക്കാന്‍ ഇരിക്കുകയാണോ; വേഗം വാങ്ങിച്ചോളൂ, ഉടനെ വില കൂടും

തുടക്കത്തിൽ ഈ ന​ഗരങ്ങളിലെ വിൽപനയിലായിരിക്കും കമ്പനി ശ്രദ്ധ കേന്ദ്രീകരിക്കുക. താമസിക്കാതെ മറ്റ് സംസ്ഥാനങ്ങളിലെയും ഉപഭോക്താക്കൾക്കും കമ്പനി ക്രമേണ ആക്ടീവയുടെ ഇ ലഭ്യമാക്കും.

സ്വാപ്പ് ചെയ്യാവുന്ന ബാറ്ററികളോടൊപ്പം എത്തുന്ന ആക്ടീവ ഇയുടെ ബാറ്ററികൾ കമ്പനിയുടെ പവർ പാക്ക് എക്സ്ചേഞ്ചർ സ്വാപ്പിംഗ് സ്റ്റേഷനിൽ മാറ്റാവുന്നതാണ്.

Also Read: ആക്ടീവ ഇവി എത്തുന്നു; മുന്നോടിയായി നാൽപതിനായിരം രൂപയുടെ ഇലക്ട്രിക്ക് സ്കൂട്ടറുമായി ഒല

സീറ്റിനടിയിൽ ബൂട്ട് സ്‌പെയ്‌സിൽ ഘടിപ്പിച്ച 1.3 kWh കപ്പാസിറ്റിയുള്ള ട്വിൻ ബാറ്ററി പായ്ക്ക് സെറ്റപ്പാണ് ഹോണ്ട ആക്ടിവ ഇലക്ട്രിക് സ്‌കൂട്ടറിനുള്ളത്. ഏകദേശം 102 കിലോമീറ്റർ റേഞ്ചാണ് ബാറ്ററിക്ക് കമ്പനി വാ​ഗ്ദാനം ചെയ്യുന്നത്. 22 Nm പീക്ക് ടോര്‍ക്ക് ഉത്പാദിപ്പിക്കുന്ന 6kW പെര്‍മനന്റ് മാഗ്‌നറ്റ് സിന്‍ക്രണസ് ഇലക്ട്രിക് മോട്ടോറുമായിട്ട് എത്തുന്ന ആക്ടിവ ഇ ക്ക് മണിക്കൂറില്‍ പരമാവധി 80 കിലോമീറ്റര്‍ വരെ വേഗത ലഭിക്കും.