ഇതത്ര വലിയ പണിയൊന്നുമില്ല… എളുപ്പത്തിൽ തയ്യാറാക്കാം സ്വാദിഷ്ടമായ ഏലക്ക ചായ

മിഡിൽ ഈസ്റ്റേൺ, ഏഷ്യൻ പാചകരീതികളിൽ വളരെക്കാലമായി ഉപയോഗിക്കുന്ന പ്രധാനമായ ഒരു സുഗന്ധവ്യഞ്ജനമാണ് ഏലക്ക. മസാലകൾ നിറഞ്ഞ ചായ ഉണ്ടാക്കാനും ഇത് ഉപയോഗിക്കാറുണ്ട്. ഇത് പൂർണമായും കഫീൻ രഹിതമായ ഒന്നാണ്. മസാല ചായയിൽ ഏലക്ക ഒരു അവശ്യ ഘടകമാണ്. ഏഷ്യയിലും വിദേശത്തും ഒരേപോലെ ആരാധകരെ സൃഷ്ടിച്ച ആരാധനാക്രമം വളർത്തിയെടുത്ത പ്രശസ്തമായ ഒന്ന് കൂടിയാണ് മസാല ചായ. ഉന്മേഷദായകമായ ഏലക്ക ചായ ഉണ്ടാക്കുന്നത് എങ്ങനെയെന്ന് നോക്കാം.

Also Read; റേഷൻ കാർഡ് മസ്റ്ററിങ് ഇനിയും പൂർത്തിയാക്കിയില്ലേ..! സമയം നീട്ടിയിട്ടുണ്ട്

ആവശ്യമായ ചേരുവകൾ;

പാൽ – 2 ഗ്ലാസ്
വെള്ളം – ആവശ്യത്തിന്
തേയില – 2 സ്പൂൺ
ഏലക്കാ – 4 എണ്ണം
പഞ്ചസാര- ആവശ്യത്തിന് (ഓപ്ഷണൽ)

തയ്യാറാക്കുന്ന വിധം;

ഒരു പാനിൽ പാൽ തിളപ്പിക്കുക. മറ്റൊരു പാത്രത്തിൽ കുറച്ച് വെള്ളം തിളപ്പിച്ച വെക്കുക. തിളച്ചുവരുന്ന വെള്ളത്തിലേക്ക് ഏലക്കാ ചേർത്ത് കൊടുക്കുക. പിന്നാലെ തന്നെ ആവശ്യത്തിനുള്ള തേയില ചേർത്ത് നന്നായി തിളപ്പിക്കുക. ചെറുതീയിൽ വെച്ച് വേണം ചായപ്പൊടിയിട്ട ശേഷം വെള്ളം തിളപ്പിക്കാൻ.

Also Read; അരിപ്പൊടിയും നാരങ്ങയുമുണ്ടോ വീട്ടിൽ? കാലിലെ വിള്ളലിന് ഉടനടി പരിഹാരം

ഇനി തിളപ്പിച്ചുവെച്ച പാലിലേക്ക് അൽപാൽപമായി തിളപ്പിച്ചുവെച്ചിരിക്കുന്ന തേയിലവെള്ളം ചേർത്തുകൊടുക്കുക. ഓരോരുത്തരുടെയും പാകത്തിനുള്ള കടുപ്പത്തിനുവേണം പാലും തേയിലയും മിക്സ് ചെയ്യാൻ. ഇനി വേണമെങ്കിൽ ആവശ്യത്തിന് മധുരം ചേർത്ത് കുടിക്കാം.