തള്ളിപ്പറഞ്ഞവരെക്കൊണ്ടെല്ലാം കയ്യടിപ്പിച്ച് മുന്നേറുകയാണ് നവകേരള ബസ്. ഞായര്‍ മുതല്‍ സര്‍വീസ് ആരംഭിക്കുന്ന നവകേരള ബസ് ടിക്കറ്റിന് വന്‍ ഡിമാന്‍ഡ് ആണ് ഇപ്പോൾ രേഖപ്പെടുത്തുന്നത്. കോഴിക്കോട്-ബംഗളൂരു റൂട്ടിൽ സർവീസ് നടത്തുന്ന ബസിന്റെ ടിക്കറ്റുകൾ ബുധനാഴ്ച ബുക്കിംഗ് ആരംഭിച്ച് മണിക്കൂറുകള്‍ക്കകം തന്നെ മുഴുവന്‍ വിറ്റുതീര്‍ന്നു.
എയര്‍കണ്ടീഷന്‍ ചെയ്ത ബസില്‍ 26 പുഷ് ബാക്ക് സീറ്റുകളാണ് ബേസിൽ ഉള്ളത്. ഇതിൽ ഫുട് ബോര്‍ഡ് ഉപയോഗിക്കാന്‍ കഴിയാത്ത ഭിന്നശേഷിക്കാര്‍, മുതിര്‍ന്ന പൗരന്മാര്‍ തുടങ്ങിയവര്‍ക്ക് കയറാനുള്ള ഹൈഡ്രോളിക് ലിഫ്റ്റുണ്ട്. ബസിന്റെ നിറത്തിലോ ബോഡിയിലോ മാറ്റങ്ങൾ ഒന്നും തന്നെ വരുത്തിയിട്ടില്ല. മുഖ്യമന്ത്രിക്ക് ഇരിക്കാന്‍ ഒരുക്കിയ ചെയര്‍ മാത്രം മാറ്റി അത് ഡബിള്‍ സീറ്റാക്കിയിട്ടുണ്ട്. ആവശ്യാനുസരണം യാത്രക്കാര്‍ക്ക് അവരുടെ ലഗേജ് സൂക്ഷിക്കാനുള്ള സ്ഥലവും ബസില്‍ ഒരുക്കിയിട്ടുണ്ട്.
അതേസമയം, ദിവസേന പുലര്‍ച്ചെ നാലിന് കോഴിക്കോടുനിന്നും യാത്രതിരിച്ച് 11.35ന് ബംഗളൂരുവില്‍ എത്തുന്ന തരത്തിലാണ് നവകേരള ബസ് സർവീസ് നടത്തുന്നത്. പകല്‍ 2.30ന് ബംഗളൂരുവില്‍നിന്നു തിരിച്ച് രാത്രി 10.05ന് കോഴിക്കോട്ട് എത്തിച്ചേരുന്നതാണ് മടക്ക യാത്ര.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
