മലയാള നടന്മാരില്‍ തനിക്ക് ഏറ്റവും ഇഷ്ടമുള്ള നടന്മാരെ പറ്റി പറയുകയാണ് തെന്നിന്ത്യൻ താരം തമന്ന. താൻ ഇവർ രണ്ടു പേരൊടൊപ്പം വർക്ക് ചെയ്യാൻ ആഗ്രഹിക്കുന്നുവെന്നും നടി വെളിപ്പെടുത്തി.
ഫഹദ് ഫാസിൽ, ദുല്‍ഖര്‍ സല്‍മാൻ എന്നിവരെ പറ്റിയാണ് തമന്ന പറഞ്ഞത്. ഇരുവരും മലയാള സിനിമകള്‍ക്ക് പുറമെ മറ്റ് ഇന്‍ഡസ്ട്രികളിലും തങ്ങളുടേതായ സ്ഥനം സൃഷ്ടിച്ചവരാണ്. രാജ്യത്തെ ഏറ്റവും മികച്ച അഭിനേതാക്കളില്‍ ഒരാളാണ് ഫഹദ് ഫാസിലെന്നും അദ്ദേഹത്തോടൊപ്പ‌വും ദുല്‍ഖറിനൊപ്പവും വര്‍ക്ക് ചെയ്യാന്‍ ആഗ്രഹമുണ്ടെന്നാണ് തമന്ന പറഞ്ഞത്.
Also Read: എ ആര്‍ റഹ്‌മാന്റെയും ഭാര്യയുടേയും വേര്‍പിരിയല്‍; ഒടുവില്‍ പ്രതികരണവുമായി മകന്‍, ഞെട്ടി സോഷ്യല്‍മീഡിയ
‘ഫഹദ് ഫാസിലിനെ എനിക്ക് ഇഷ്ടമാണ്. കൂടെ അഭിനയിക്കണമെന്ന് ഞാന്‍ ആഗ്രഹിക്കുന്ന അഭിനേതാക്കളില്‍ ഒരാളാണ് ഫഹദ്. ഒരു പെര്‍ഫോമര്‍ എന്ന നിലയില്‍ എനിക്ക് അദ്ദേഹത്തെ വളരെ ഇഷ്ടമാണ്. രാജ്യത്തെ ഏറ്റവും മികച്ച അഭിനേതാക്കളില്‍ ഒരാളാണ് ഫഹദ് ഫാസിലെന്ന് എനിക്ക് തോന്നിയിട്ടുണ്ട്.
അതുപോലെ തന്നെയാണ് ദുല്‍ഖറിന്റെയും കാര്യം. എനിക്ക് ദുല്‍ഖറിനേയും ഇഷ്ടമാണ്. ഇന്നത്തെ തലമുറക്ക് മലയാളം അഭിനേതാക്കളെ പറ്റിയുള്ള ധാരണ മാറ്റിയത് തന്നെ ദുല്‍ഖറാണ്. അദ്ദേഹം സത്യത്തില്‍ ഒരു പാന്‍ ഇന്ത്യന്‍ ആക്ടറാണ്. എല്ലാവര്‍ക്കും ദുല്‍ഖറിനെ അറിയാം. എനിക്ക് ദുല്‍ഖറിനും ഫഹദിനും ഒപ്പം വര്‍ക്ക് ചെയ്യാന്‍ ആഗ്രഹമുണ്ട്,’
എന്നാണ് മലയാള നടന്മാരെ പറ്റി തമന്ന പറയുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
