ബോര്‍ഡര്‍ ഗവാസ്‌കര്‍ ട്രോഫി ടൂര്‍ണമെന്റിലെ ആദ്യ ടെസ്റ്റില്‍ കങ്കാരുക്കളെ എറിഞ്ഞുവീഴ്ത്തി വിജയം സ്വന്തമാക്കാന്‍ ഇന്ത്യ. നാലാം ദിവസം ഉച്ചഭക്ഷണത്തിന് പിരിയുമ്പോള്‍ ഓസ്‌ട്രേലിയക്ക് അഞ്ച് വിക്കറ്റുകള്‍ നഷ്ടമായി. 104 റണ്‍സാണ് ആതിഥേയര്‍ രണ്ടാം ഇന്നിങ്‌സില്‍ എടുത്തത്. ഇനി 430 റണ്‍സ് കൂടി വേണം ജയിക്കാന്‍. അര്‍ധ സെഞ്ചുറിയുമായി (63) ട്രാവിസ് ഹെഡും മിച്ചല്‍ മാര്‍ഷും (അഞ്ച്) ആണ് ക്രീസില്‍. മൂന്ന് വിക്കറ്റുമായി മുഹമ്മദ് സിറാജും രണ്ട് വിക്കറ്റെടുത്ത് ജസ്പ്രീത് ബുംറയും കങ്കാരുക്കളുടെ കഥ കഴിക്കാന്‍ സജ്ജമായിട്ടുണ്ട്.
പടുകൂറ്റന്‍ ലീഡുമായി ഇന്ത്യ മൂന്നാം ദിനം രണ്ടാം ഇന്നിങ്‌സ് ഡിക്ലയര്‍ ചെയ്തിരുന്നു. മൂന്നാം ദിനം കളി അവസാനിക്കുമ്പോള്‍ 12 റണ്‍സ് എടുക്കുന്നതിനിടെ ആതിഥേയരുടെ മൂന്ന് വിലപ്പെട്ട വിക്കറ്റുകള്‍ നഷ്ടമായിരുന്നു. ഇന്ത്യന്‍ ബാറ്റിങ് നിരയില്‍ ഓപണര്‍ യശസ്വി ജയ്സ്വാളിന് പുറമെ വിരാട് കോലിയും സെഞ്ചുറി നേടിയിരുന്നു. ആറ് വിക്കറ്റ് നഷ്ടത്തില്‍ 487 റണ്‍ ആണ് ഇന്ത്യ രണ്ടാം ഇന്നിങ്‌സില്‍ നേടിയത്. കോലി (100), അരങ്ങേറ്റ താരം നിതിഷ് കുമാര്‍ റെഡ്ഢി (38) എന്നിവരായിരുന്നു ഡിക്ലയര്‍ ചെയ്യുമ്പോള്‍ ക്രീസില്‍. അതേസമയം, റിഷഭ് പന്ത് നിരാശപ്പെടുത്തി. ഓപണര്‍ യശസ്വി ജയ്‌സ്വാള്‍ 161ഉം കെഎല്‍ രാഹുല്‍ 77ഉം റണ്‍സെടുത്തു. ദേവ്ദത്ത് പടിക്കല്‍ 25 റണ്‍സാണെടുത്തത്. അരങ്ങേറ്റതാരം ധ്രുവ് ജുറെലിനും തിളങ്ങാനായില്ല. നഥാന്‍ ല്യോന്‍ രണ്ട് വിക്കറ്റെടുത്തു.
Read Also: ഐപിഎൽ മെഗാതാരലേലം; താരങ്ങൾക്ക് കിട്ടിയ തുകയും, സ്വന്തമാക്കിയ ടീമുകളും
ഇന്ത്യ ആദ്യ ഇന്നിങ്‌സില്‍ 150 റണ്‍സ് നേടിയിരുന്നു. ഓസീസിന്റെ ഒന്നാം ഇന്നിങ്‌സ് 104 റണ്‍സില്‍ ഒതുങ്ങി. 18 ഓവറില്‍ 30 റണ്‍സ് മാത്രം വിട്ടുകൊടുത്ത് അഞ്ച് വിക്കറ്റെടുത്ത ക്യാപ്റ്റന്‍ ജസ്പ്രീത് ബുംറയാണ് ആദ്യ ഇന്നിങ്‌സില്‍ കങ്കാരുക്കളുടെ കഥ കഴിച്ചത്. അരങ്ങേറ്റ താരം ഹര്‍ഷിത് റാണ മൂന്ന് വിക്കറ്റും മുഹമ്മദ് സിറാജ് രണ്ട് വിക്കറ്റും നേടി. ഓസീസ് ബാറ്റിങ് നിരയില്‍ കാര്യമായ ചെറുത്തുനില്‍പ്പുകളുണ്ടായിരുന്നില്ല.
Key words: Keywords- virat kohli, Jaiswal, india at Australia, nathan lyon, india vs australia live, mohammed siraj, jasprit bumra, travis head, steve smith, usman khawaja
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
