ന്യൂസിലാന്‍ഡിനെതിരായ മൂന്നാം ടെസ്റ്റിന്റെ രണ്ടാം ദിനത്തിൽ ആദ്യ ഓവറില്‍ തന്നെ മൂന്ന് ബൗണ്ടറി കടത്തിയാണ് പന്ത് ആരംഭിച്ചത്. ആദ്യ ദിനം കളി നിർത്തുമ്പോൾ 19 ഓവറിൽ നാലിന് 86 റൺസെന്ന നിലയിൽ നിന്ന് ഇന്ത്യയെ പന്തും ഗില്ലും കൂടിയാണ് കരകയറ്റിയത്. 45 പന്തിലാണ് പന്ത് തന്റെ അർധശതകം തികച്ചത്.
രണ്ട് സിക്‌സറും എട്ട് ഫോറുകളുമടങ്ങുന്നതായിരുന്നു പന്തിന്റെ ഇന്നിങ്സ്. 60 റൺസെടുത്ത താരത്തെ ടീം സ്കോർ 180 ൽ നിൽക്കുമ്പോൾ സോധിയാണ് വിക്കറ്റിനു മുമ്പിൽ കുടുക്കിയത്.
ആദ്യ ദിനത്തിൽ വിക്കറ്റുപോകാതെയിരിക്കാൻ നേരത്തേയിറക്കിയ മുഹമ്മദ് സിറാജ് ആദ്യ പന്തിൽ പുറത്തായതും, വിരാട് കോഹ്‌ലി 4 റൺസെടുത്ത് മടങ്ങിയതും ഇന്ത്യയ്ക്ക് തിരിച്ചടിയായിരുന്നു. ന്യൂസിലൻഡിനെ ആദ്യ ഇന്നിങ്സിൽ ജഡേജയും വാഷിങ്ടന്‍ സുന്ദറും ചേർന്ന് 235 റൺസിന് പുറത്താക്കിയിരുന്നു.
Also Read: മാഞ്ചസ്റ്റർ യുണൈറ്റഡിന് പുതിയ ആശാനായി; പോർച്ചുഗീസ് ഗാഥ തുടരാനാകുമോ റൂബന്
ജഡേജ അഞ്ച് വിക്കറ്റുകൾ വീഴ്ത്തിയപ്പോൾ വാഷിങ്ടന്‍ സുന്ദർ നാല് വിക്കറ്റുകളും സ്വന്തമാക്കി. ലഞ്ചിന് പിരിയുമ്പോൾ ഇന്ത്യക്കായി ഗില്ലും ജഡേജയുമാണ് ക്രീസിൽ. ഗിൽ 106 പന്തിൽ 70 റൺസും ജഡേജ 18 പന്തിൽ 10 റൺസുമെടുത്തിട്ടുണ്ട്. ഇന്ത്യ 5 വിക്കറ്റ് നഷ്ടത്തിൽ 195 എന്ന നിലയിലാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
