സെലിബ്രിറ്റികളുടെ ഇഷ്ടകാറാണ് ജര്‍മന്‍ ആഢംബര വാഹന നിര്‍മാതാക്കളായ മെഴ്സിഡീസ് നിരത്തുകളില്‍ എത്തിച്ചിട്ടുള്ള മെയ്ബ ജി.എല്‍.എസ്.600 എസ്.യു.വി. ഇപ്പോഴിതാ ക്രിക്കറ്റ് താരം അജിങ്ക്യ രഹാനെയും ഈ കാറ് സ്വന്തമാക്കിയിരിക്കുന്നു. ഓട്ടോ ഹാങ്ങര്‍ മെഴ്സിഡീസ് ബെന്‍സില്‍ നിന്നാണ് രഹാനെ പുതിയ വാഹനം സ്വന്തമാക്കിയിരിക്കുന്നത്.
പോളാര്‍ വൈറ്റ് നിറത്തിലുള്ള വാഹനമാണ് അദ്ദേഹം തെരഞ്ഞെടുത്തത്. 2.96 കോടി രൂപയാണ് മെഴ്സിഡീസ് ബെന്‍സ് മെയ്ബ ജി.എല്‍.എസ്.600-ന്റെ എക്സ്ഷോറൂം വില. അത്യാഡംബര സംവിധാനങ്ങള്‍ ഉള്‍ക്കൊള്ളിച്ചുള്ള ഇന്റീരിയറും മയ്ബയുടെ സിഗ്നേച്ചര്‍ അലങ്കാരത്തോടെ ഒരുങ്ങിയിട്ടുള്ള എക്സ്റ്റീരിയറുമാണ് വാഹനത്തിന്റെ ഹൈലൈറ്റ്.
ദുല്‍ഖര്‍ സല്‍മാന്‍, നയന്‍താര, രണ്‍വീര്‍ സിങ്ങ്, കൃതി സനോണ്‍, അര്‍ജുന്‍ കപൂര്‍, തപ്‌സി പന്നു, നീതു സിങ്ങ്, തെലുങ്ക് നടന്‍ രാം ചരണ്‍ തുടങ്ങിയ താരങ്ങള്‍ രഹാനെയ്ക്ക് മുമ്പ് ഈ വാഹനം സ്വന്തമാക്കിയ സെലിബ്രിറ്റികളാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
