കോഹ്ലി, രോഹിത്, ധോണി… റേഞ്ച് റോവർ കാർ സ്വന്തമാക്കിയിട്ടുള്ള ഇന്ത്യൻ ക്രിക്കറ്റർമാർ ആരൊക്കെ?

ആഡംബര വാഹന വിപണിയിലെ മുൻനിരക്കാരാണ് ലാൻഡ് റോവർ-റേഞ്ച് റോവർ കാറുകൾ. ഒരേസമയം സാഹസികതയും ആഡംബരവും സന്നിവേശിപ്പിച്ചിട്ടുള്ളതാണ് റേഞ്ച് റോവർ കാറുകൾ. ബിസിനസുകാരും ക്രിക്കറ്റ്-സിനിമാതാരങ്ങളുമാണ് റേഞ്ച് റോവർ കാറുകൾ സ്വന്തമാക്കിയവരിൽ മുൻനിരക്കാർ. ഇന്ത്യൻ ക്രിക്കറ്റ് താരങ്ങളിൽ ആരൊക്കെയാണ് വിവിധ ലാൻഡ് റോവർ-റേഞ്ച് റോവർ മോഡലുകൾ സ്വന്തമാക്കിയിട്ടുള്ളതെന്ന് നോക്കാം…

1. മൊഹമ്മദ് സിറാജ്- ഇന്ത്യൻ ക്രിക്കറ്റ് താരങ്ങളിൽ ഏറ്റവുമൊടുവിൽ ലാൻഡ് റോവർ കാർ സ്വന്തമാക്കിയത് പേസർ മൊഹമ്മദ് സിറാജാണ്. ‘നിങ്ങളുടെ സ്വപ്നങ്ങൾക്ക് അതിരുകളില്ല, അവ യാഥാർഥ്യമാക്കാൻ എത്ര കഠിനാധ്വാനം ചെയ്യാനും തയ്യാറാകും’- ലാൻഡ് റോവർ കാറിനൊപ്പമുള്ള ചിത്രം പങ്കുവെച്ചുകൊണ്ട് സിറാജ് സോഷ്യൽ മീഡിയയിൽ കുറിച്ചത് ഇങ്ങനെയാണ്…

2. രോഹിത് ശർമ്മ- വർഷങ്ങൾക്ക് മുമ്പ് തന്നെ റേഞ്ച് റോവർ വാഹന തന്‍റെ ഗാരേജിൽ എത്തിച്ചിട്ടുള്ള താരമാണ് രോഹിത് ശർമ്മ. ഏകദിന ക്രിക്കറ്റിൽ ഏറ്റവും ഉയർന്ന വ്യക്തിഗത സ്കോർ നേടിയ ഹിറ്റ്മാൻ തന്‍റെ റേഞ്ച് റോവർ കാറിനു അതേ നമ്പരാണ് നൽകിയിട്ടുള്ളത്.

3. എം.എസ്. ധോണി- വിന്‍റേജ് കാറുകളുടെ ലേലത്തിലൂടെയാണ് എം എസ് ധോണി ലാൻഡ് റോവർ 3 മോഡൽ സ്വന്തമാക്കിയത്. ബിഗ് ബോയ് ടോയ്സ് നടത്തിയ ലേലത്തിൽ പങ്കെടുത്താണ് ധോണി ലാൻഡ് റോവർ സ്വന്തം ഗാരേജിൽ എത്തിച്ചത്.

Also Read- ഫോർഡ് ഇന്ത്യയിലേക്ക് തിരിച്ചെത്തിയേക്കും; പുതിയ പദ്ധതി നടപ്പാക്കിയേക്കും

4. വിരാട് കോഹ്ലി- ആഡംബരകാറുകളുടെ കാര്യം പറയുമ്പോൾ മുൻ ക്യാപ്റ്റൻ വിരാട് കോഹ്ലിയെ മാറ്റിനിർത്തുന്നത് എങ്ങനെ. വർഷങ്ങൾക്കുമുമ്പ് തന്നെ ലാൻഡ് റോവർ റേഞ്ച് റോവർ വോഗ് മോഡൽ സ്വന്തമാക്കിയിരുന്നു.

5.സ്മൃതി മന്ദാന- ഇന്ത്യൻ വനിതാ ക്രിക്കറ്റിലെ സൂപ്പർതാരമായ സ്മൃതി മന്ദാനയും റേഞ്ച് റോവർ കാർ സ്വന്തമാക്കിയിട്ടുണ്ട്. റേഞ്ച് റോവർ ഇവോക്ക് മോഡലാണ് സ്മൃതിയുടെ ഗാരേജിലുള്ളത്.

6. ശിഖർ ധവാൻ- റേഞ്ച് റോവറിന്‍റെ ഏറെ ജനപ്രിയ മോഡലായ ഓട്ടോബയോഗ്രഫി സ്വന്തമാക്കിയ ഇന്ത്യൻ ക്രിക്കറ്റ് താരമാണ് മുൻ ഓപ്പണർ ശിഖർ ധവാൻ. ഏകദേശം മൂന്നര കോടി രൂപയ്ക്ക് മുകളിലാണ് റേഞ്ച് റോവർ ഓട്ടോബയോഗ്രഫിയുടെ വില.