കാനഡയിലെ ന്യുബ്രണ്‍സ്‌വിക്ക് പ്രവിശ്യയില്‍ സ്ത്രീകളെ അനാവശ്യമായി സ്പര്‍ശിച്ച 25കാരനായ ഇന്ത്യക്കാരന്‍ അറസ്റ്റില്‍. 16 വയസിന് താഴെയുള്ള പെണ്‍കുട്ടികള്‍ ഉള്‍പ്പെടെ 12 പേരോടാണ് ഇയാള്‍ അപമര്യാദയായി പെരുമാറിയത്.
ജൂലൈ ഏഴിന് ഉച്ചയ്ക്ക് 2 മണിയോടെയാണ് സംഭവം. നോവ സ്‌കോട്ടിയയിലെ ഹാലിഫാക്‌സില്‍ താമസിക്കുന്ന പ്രതിയെ സംഭവസ്ഥലത്ത് നിന്നു തന്നെ പൊലീസ് അറസ്റ്റ് ചെയ്തു. വരുന്ന ഒക്ടോബര്‍ 24ന് മോംഗ്ടണ്‍ പ്രൊവിന്‍ഷ്യല്‍ കോടതിയില്‍ കേസില്‍ വാദം കേള്‍ക്കും.
പ്രതിയെ കസ്റ്റഡിയില്‍ നിന്നും വിട്ടയച്ചു എന്നാണ് റിപ്പോര്‍ട്ട് പുറത്തുവരുന്നത്. ജൂലൈ 7 ന് സംഭവസ്ഥലത്തുണ്ടായിരുന്ന കുട്ടികളുടെ മാതാപിതാക്കളോട് കുട്ടികളുമായി സംസാരിക്കണമെന്നും ലൈംഗികാതിക്രമ പരാതി എപ്പോള്‍ വേണമെങ്കിലും നല്‍കാമെന്നും പൊലീസ് അറിയിച്ചിട്ടുണ്ട്. ഇന്ത്യക്കാരായ ഒരു സംഘം പുരുഷന്മാരുടെ കൂടെയാണ് പ്രതി വാട്ടര്‍ പാര്‍ക്കില്‍ എത്തിയതെന്നും റിപ്പോര്‍ട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
