വർഷങ്ങൾക്ക് മുൻപ് പ്ലാൻ ചെയ്‌തതാണെങ്കിലും കമൽഹാസൻ ചിത്രം ഇന്ത്യൻ 2 വിന് വേണ്ടി നീണ്ട കാത്തിരിപ്പാണ് ആരാധകർക്ക് വേണ്ടി വന്നത്. ഇപ്പോഴിതാ ചിത്രത്തിന്റെ റിലീസ് തീയതി വീണ്ടും മാറ്റുന്നുവെന്ന വാർത്തകൾ തമിഴ് മാധ്യമങ്ങളിൽ സജീവമാവുകയാണ്. ഈ വർഷം ആഗസ്റ്റ് 15ന് ചിത്രം റിലീസ് ചെയ്യുമെന്നാണ് നേരത്തെ വന്ന റിപ്പോർട്ടുകൾ വ്യക്തമാക്കിയിരുന്നത്. ഈ ഡേറ്റിലാണ് ഇപ്പോൾ ആശയക്കുഴപ്പം ഉണ്ടായിരിക്കുന്നത്.
അല്ലു അർജുൻ നായകനാകുന്ന പാൻ ഇന്ത്യൻ ചിത്രം പുഷ്പ 2ന്റെ റിലീസ് തീയതി ആഗസ്റ്റ് 15 ആണ്. ഇത് ഇന്ത്യൻ 2 വിന്റെ കളക്ഷനെ കാര്യമായി ബാധിക്കും എന്ന് കരുതിയാണ് അണിയറപ്രവർത്തകർ ചിത്രത്തിന്റെ റിലീസ് മാറ്റാനുള്ള തീരുമാനം എടുത്തിരിക്കുന്നത്. ചിത്രം മെയ് മാസത്തിൽ റിലീസ് ചെയ്യാനുള്ള പദ്ധതിയിലാണ് ഇപ്പോൾ അണിയറപ്രവർത്തകർ എന്നാണ് റിപ്പോർട്ടുകൾ സൂചിപ്പിക്കുന്നത്.
അതേസമയം, ആരാധകരെ ഞെട്ടിച്ചുകൊണ്ട് ഇന്ത്യൻ 2 വിനൊപ്പം ഇന്ത്യൻ 3 യും അണിയറപ്രവർത്തകർ ഒരുക്കുന്നുണ്ട് എന്ന റിപ്പോർട്ടുകളും സമൂഹ മാധ്യമങ്ങളിൽ അടക്കം സജീവമാണ്. ‘ഇന്ത്യൻ 3’ 2024 അവസാനത്തോടെ പുറത്തിറങ്ങും എന്നാണ് ഫിലിം എക്സ്പെർട്ടുകൾ പറയുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
