ഇന്ത്യൻ സൂപ്പർ ലീഗിന് ആവേശതുടക്കം; അടിച്ചും തിരിച്ചടിച്ചും മോഹൻ ബഗാനും മുംബൈ സിറ്റിയും

ഐഎസ്എൽ സീസണിന് ആവേശതുടക്കം. ആദ്യമത്സരത്തിൽ മോഹൻ ബഗാനും മുംബൈ സിറ്റിയും സമനിലയിൽ. രണ്ടു ഗോളിന് പിന്നിട്ട് നിന്നതിനു ശേഷമാണ് മുംബൈ സിറ്റി സമനില പിടിച്ചെടുത്തത്.

Also Read: സൂപ്പർ ലീഗ് കേരള: കണ്ണൂർ വാരിയേഴ്‌സിന് ഫോഴ്സാ കൊച്ചിയുടെ സമനില കുരുക്ക്

ഫസ്റ്റ് ഹാഫിൽ കിട്ടിയ അടിക്ക് സെക്കൻ്റ് ഹാഫിൽ തിരിച്ചടി നൽകിയാണ് മുംബൈ സിറ്റി മത്സരം സമനിലയിൽ പിടിച്ചത്. എസ്‌പിനാഡോ അരായോയുടെ സെൽഫ് ഗോളിലാണ് മോഹൻബഗാൻ ഒൻപതാം മിനിറ്റിൽ ലീഡ് നേടിയത്. പിന്നെ 28-ാം മിനിറ്റിൽ ആൽബർട്ടോ റോഡ്രിഗസ് മോഹൻ ബഗാന്റെ നേട്ടം ഇരട്ടിയാക്കി. തന്റെ തെറ്റിന് പ്രായശ്ചിത്തമെന്നോണം 70-ാം മിനിറ്റിൽ ആരായോ മുംബൈസിറ്റിക്ക് വേണ്ടി ഗോളടിച്ചു. ഇത് മത്സരത്തെ ആവേശകരമായ അവസാനത്തിലേക്കെത്തിച്ചു. ഇഞ്ചുറി ടൈമിൽ സബ് ആയി ഇറങ്ങിയ ക്രോമയിലൂടെ മുംബൈ സിറ്റി സമനില നേടിയെടുത്തു