മധ്യപ്രദേശിലെ ഇന്ദിര ഗാന്ധി നാഷണൽ ട്രൈബൽ സർവകലാശാലയിൽ കേരളത്തിലെ വിദ്യാർത്ഥികളോട് നിപ നെഗറ്റീവ് സർട്ടിഫിക്കറ്റ് ആവശ്യപ്പെട്ട നിർദേശം പിൻവലിച്ചു. ഉത്തരവ് പിൻവലിച്ചതോടെ വിദ്യാർത്ഥികളെ ക്യാമ്പസിലേക്ക് പ്രവേശിപ്പിച്ചു. ശക്തമായ പ്രതിഷേധത്തെ തുടർന്നാണ് സർവകലാശാല നിർദേശം പിൻവലിച്ചത്. ഇന്നും ഇന്നലെയും ഓപ്പൺ കൗൺസിലിങ്ങിന് വന്ന വിദ്യാർഥികളെയാണ് ക്യാമ്പസിലേക്ക് പ്രവേശിപ്പിച്ചത്.
സംഭവവുമായി ബന്ധപ്പെട്ട് ട്രൈബല്‍ യൂണിവേഴ്‌സിറ്റി അധികൃതരുമായി മന്ത്രി ഡോ. ആര്‍ ബിന്ദു ആശയവിനിമയം നടത്തിയിരുന്നു. ഉത്തരവ് പിന്‍വലിക്കുമെന്ന് യൂണിവേഴ്‌സിറ്റി അധികൃതര്‍ അറിയിച്ചിരുന്നു. മധ്യപ്രദേശ് ഉന്നതവിദ്യാഭ്യാസ മന്ത്രിക്ക് ഇ-മെയില്‍ സന്ദേശമയച്ചുവെന്നും മന്ത്രി ഡോ. ആര്‍. ബിന്ദു പറഞ്ഞു.ഇന്നലെ വിദ്യാർത്ഥികൾ ക്യാമ്പസിൽ എത്തിയ ശേഷമാണ് നിപ നെഗറ്റീവ് സർട്ടിഫിക്കറ്റുമായി ബന്ധപ്പെട്ട് നോട്ടീസ് ലഭിച്ചത്. നിരവധി മലയാളി വിദ്യാർത്ഥികൾ ഈ സർവ്വകലാശാലയിൽ പ്രവേശിക്കാൻ കഴിയാതെ ബുദ്ധിമുട്ടിലായത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
