പ്രേക്ഷകർക്ക് ഏറെ ഇഷ്ടപെട്ട താരമാണ് നടൻ ഇന്ദ്രൻസ്. കോമഡി വേഷങ്ങളിൽ നിന്നും മാറി പ്രധാന കഥാപാത്രങ്ങളിലേക്ക് എത്തിയ ഇന്ദ്രൻസിന്റെ അഭിനയത്തിന് മികച്ച അഭിപ്രായങ്ങളാണ് ലഭിച്ചത്. ഇപ്പോഴിതാ സാക്ഷരതാ മിഷന്‍ നടത്തുന്ന ഏഴാം ക്ലാസ് തുല്യതാ പരീക്ഷ എഴുതിയ ഇന്ദ്രൻസിന്റെ റിസൾട്ട് വന്നിരിക്കുകയാണ് . നടൻ പരീക്ഷയില്‍ വിജയിച്ചത് അറിയിച്ച് രംഗത്ത് എത്തിയിരിക്കുകയാണ് മന്ത്രി വി ശിവൻകുട്ടി.ഇന്ദ്രൻസിനും ഒപ്പം വിജയിച്ച 1483 പേർക്കും അഭിനന്ദനങ്ങൾ എന്നും മന്ത്രി എഴുതി.
അറുപത്തിയെട്ടാം വയസിൽ മലയാളി താരം ഏഴാം ക്ലാസ് പരീക്ഷ എഴുതി വിജയിച്ചു എന്ന നേട്ടവും ഇന്ദ്രൻസിനുണ്ട്.തിരുവനന്തപുരം അട്ടക്കുളങ്ങരയിലെ സെന്‍ട്രല്‍ സ്‌കൂളിലാണ് നടൻ പരീക്ഷ എഴുതിയത്. പത്താംക്ലാസ് തുല്യത നേടുക എന്നതാണ് ഇന്ദ്രൻസിന്റെ ലക്ഷ്യം. ഏഴാംക്ലാസ് ജയിച്ചാലേ പത്തിൽ പഠിക്കാനാവൂ എന്ന സാക്ഷരതാമിഷന്റെ ചട്ടപ്രകാരം ആണ് താരം അടുത്തിടെ പരീക്ഷ എഴുതിയത്. എന്ന പ്രത്യേകതയുമുണ്ട്.
also read: മഹാനടിക്കും കുറുപ്പിനും ശേഷം മറ്റൊരു റിയല്‍ ലൈഫ് ക്യാരക്ടര്‍ അവതരിപ്പിക്കാൻ ദുൽഖർ എത്തുന്നത് തമിഴിലെ ആദ്യത്തെ സൂപ്പര്‍സ്റ്റാറിന്റെ വേഷത്തിൽ
പഠിക്കാൻ കഴിയാത്ത സാഹചര്യത്തെ തുടർന്നാണ് പഠനം നിർത്തി തയ്യല്‍ ജോലിയിലേക്ക് എത്തിയത് എന്ന് ഇന്ദ്രന്‍സ് പറഞ്ഞിരുന്നു. വായന ശീലം വിടാത്തതിനാല്‍ കുറേ കാര്യങ്ങള്‍ മനസിലാക്കാന്‍ സാധിച്ചുവെന്നും . അത് നിരവധി മാറ്റങ്ങള്‍ തന്റെ ജീവിതത്തിലുണ്ടാക്കിയെന്നും താരം പറഞ്ഞിട്ടുണ്ടായിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
