എൽഡിഎഫിനെതിരെ വർഗീയ പ്രചാരണം; നടപടി ആവശ്യപ്പെട്ട്​ ഐഎൻഎൽ

തെരഞ്ഞെടുപ്പ്​ അടുത്തതോടെ എൽഡിഎഫിനും മുന്നണി സ്​ഥാനാർഥികൾ​ക്കുമെതിരെ കള്ളപ്രചാരണങ്ങളിലൂടെ വർഗീയത പരത്താൻ ശ്രമിക്കുന്നത്​ തടയണമെന്ന്​ ഐഎൻഎൽ. എൽഡിഎഫിനും മുന്നണി സ്​ഥാനാർഥികൾ​ക്കുമെതിരെ കോൺഗ്രസും മുസ്​ലിം ലീഗും ബിജെപിയും ഇലക്​ഷൻ കമ്മീഷനോടും പൊലീസ്​ മേധാവിയോടുമാണ് ഐഎൻഎൽ ആവശ്യപ്പെട്ടത് .

also read: കാത്തിരുന്ന വേനൽമഴ വരുന്നൂ.. പുറത്തിറങ്ങുമ്പോൾ ഈ നാല് ജില്ലക്കാർ കുടയെടുക്കാൻ മറക്കേണ്ട

വർഷങ്ങൾക്ക്​ മുമ്പുള്ള വാർത്തയോ വീഡിയോ ക്ലിപ്പിംഗുകളോ ആണ്​ വ്യാജ പ്രചാരണത്തിന്​ ഉപയോഗിക്കുന്നത്​. 2010 ൽ ഇരിക്കൂറിൽ ഒരു വാർഡ്​ ഉപ​തെര​ഞ്ഞെടുപ്പുമായി ബന്ധപ്പെട്ട തർക്കം തീർക്കാൻ ചെന്ന സി.പി.എം നേതാക്കൾക്കെതിരെ പള്ളി കോമ്പൗണ്ടിൽ നിന്ന്​ ലീഗുകാർ കല്ലേറ് നടത്തിയതി​ൻ്റെ വീഡിയോ ക്ലിപ്പിംഗുകളുപയോഗിച്ചാണ്​ ഇപ്പോൾ എൽഡിഎഫ്​ സ്​ഥാനാർഥി എം.വി ജയരാജനെതിരെ വ്യാപക കള്ളപ്രചാരണം നടത്തുന്നത്​.

‘‘എൽഡിഎഫ്​ സ്​ഥാനാർഥി വോട്ടു ചോദിച്ച്​ കണ്ണൂർ മുസ്​ലിം ജമാഅത്ത്​ പള്ളിയിൽ ചെന്നപ്പോൾ ബിജെപിയുടെ സഹായത്തോടെ മത്സരിക്കുന്ന സ്​ഥാനാർഥിക്ക്​ ഞങ്ങൾ മുസ്​ലിംകൾ വോട്ടു ചെയ്യില്ല എന്നു പറ​ഞ്ഞപ്പോൾ ജയരാജനും ഗുണ്ടകളും പള്ളിയിൽ നിസ്​കരിക്കാൻ വന്നവരെ പള്ളിയിൽ കയറി തെറിവിളിക്കുന്നു’’ എന്നാണ്​ വാട്​സ്​ആപ്പിലൂടെ പ്രചരിപ്പിക്കുന്നത്​. പ്രശസ്​തമായ തീർഥാടന കേന്ദ്രമായ ഇരിക്കൂർ നിലാമുറ്റം പള്ളിയുടെ ചിത്രമുപയോഗിച്ച്​ ഇത്തരം വൃത്തികെട്ട രാഷ്​ട്രീയം കളിക്കുന്നതിനെതിരെ നാട്ടിൽ പ്രതിഷേധവും രോഷവും ഉയരുന്നുണ്ട്​.

തെരഞ്ഞെടുപ്പ്​ അടുത്താൽ വർഗീയത ഇളക്കിവിട്ട്​ വോട്ടു തട്ടാനുള്ള യുഡിഎഫ്​ നീക്കത്തിനെതിരെ കർശന നടപടി സ്വീകരിക്കണമെന്ന്​ ഐ എൻ എൽ സംസ്ഥാന ജനറൽ സെക്രട്ടറി കാസിം ഇരിക്കൂർ പ്രസ്​താവനയിൽ ആവശ്യപ്പെട്ടു.

also read: നെയ്യാറ്റിൻകര കൊലപാതകത്തിലെ പ്രതികൾ പിടിയിൽ