എഡിജിപി എം ആർ അജിത്‌കുമാറിനും പത്തനംതിട്ട മുൻ ജില്ലാ പൊലീസ്‌ മേധാവി സുജിത്‌ദാസിനുമെതിരെ വിജിലൻസ് തിരുവനന്തപുരം സ്പെഷ്യൽ ഇൻവെസ്റ്റിഗേഷൻ യൂണിയറ്റ്‌ അന്വേഷണമാരംഭിച്ചു. വിജിലൻസ് എസ്‌പി ജോൺകുട്ടിയുടെ നേതൃത്വത്തിലുള്ള സംഘമാണ്‌ അന്വേഷണം നടത്തുന്നത്‌. പൊലീസ്‌ ആസ്ഥാനത്തെ എസ്‌പി കാർത്തിക്കിന്റെ മേൽനോട്ടത്തിലാകും അന്വേഷണം.
ALSO READ; പേജറും വാക്കി ടോക്കിയും കൈവശം വെക്കുന്നതിന് നിരോധനം: നിയന്ത്രണങ്ങൾ ഏർപ്പെടുത്തി ഖത്തർ എയർവേസ്
പി വി അൻവർ എംഎൽഎ നൽകിയ പരാതിയുടെയും മൊഴിയുടെയും അടിസ്ഥാനത്തിൽ കഴിഞ്ഞദിവസമാണ് സർക്കാർ എഡിജിപി എം ആർ അജിത്‌കുമാറിനും സുജിത്‌ദാസിനുമെതിരെ വിജിലൻസ് അന്വേഷണത്തിന്‌ ഉത്തരവിട്ടത്‌. സംസ്ഥാന പൊലീസ്‌ മേധാവി ഷെയ്‌ഖ്‌ ദർവേഷ്‌ സാഹിബ്‌ നൽകിയ ശുപാർശയും അംഗീകരിച്ചാണ്‌ നടപടി. വിജിലൻസ് എസ്‌പി ജോൺകുട്ടിയുടെ നേതൃത്വത്തിലുള്ള അന്വേഷണ സംഘത്തിൽ ഡിവൈഎസ്പി ഷിബു പാപ്പച്ചൻ, ഇൻസ്പെക്ടർമാരായ അഭിലാഷ്‌, കിരൺ എന്നിവരുമുണ്ട്‌.
ALSO READ; എൻആർഐ സെൽ ഡിവൈഎസ്പി എംഎസ് സന്തോഷിനെ സസ്‌പെൻഡ് ചെയ്തു
സർക്കാർ ഉത്തരവിന്റെ അടിസ്ഥാനത്തിലായതിനാൽ പ്രാഥമികാന്വേഷണമുണ്ടാകില്ല. പകരം നേരിട്ടാണ് അന്വേഷണം. ആറ്‌ മാസത്തിനകം റിപ്പോർട്ട്‌ എഡിജിപി മുഖേന സർക്കാരിന്‌ നൽകും. അന്വേഷണത്തിൽ ഉദ്യോഗസ്ഥർക്കെതിരെ ഉയർന്ന ആരോപണത്തിൽ വസ്തുതയുണ്ടെന്ന്‌ വ്യക്തമായാൽ എഫ്‌ഐആർ രജിസ്റ്റർ ചെയ്‌ത്‌ കേസുമായി മുന്നോട്ടുപോകാനാണ് നിലവിലെ തീരുമാനം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
