ഐപിഎൽ: ചൈന്നൈക്ക് വമ്പൻ സ്കോർ

കൊൽക്കത്ത നൈറ്റ്റൈഡേഴ്സിനെതിരെ ചൈന്നൈ സൂപ്പർ കിംഗ്സിന് വമ്പൻ സ്കോർ. ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ചെന്നൈ 20 ഓവറിൽ 4 വിക്കറ്റ് നഷ്ടത്തിൽ 235 റൺസ് നേടി. 29 പന്തിൽ 71 റൺസ് നേടിയ അജിങ്ക്യ രഹാനെയാണ് ചൈന്നൈ നിരയിലെ ടോപ്പ് സ്കോറർ. ശിവം ദുബെ (21 പന്തിൽ 50 ), ഡിവോൺ കോൺവേ (40 പന്തിൽ 56) എന്നിവർ അർദ്ധ സെഞ്ച്വറി നേടി. കുൽവന്ത് കെജറോളിയ കൊൽക്കത്തക്കായി രണ്ടും സുയാഷ് ശർമ, വരുൺ ചക്രവർത്തി എന്നിവർ ഓരോ വിക്കറ്റും നേടി.

ഇന്നത്തെ മത്സരം വിജയിച്ചാൽ ചെന്നൈക്ക് പോയിൻ്റ് പട്ടികയിൽ ഒന്നാം സ്ഥാനത്തെത്തും. നിലവിൽ 6കളികളിൽ നിന്നും 8 പോയിൻ്റുകളുമായി ചൈന്നൈ സൂപ്പർ കിംഗ്സ് പോയിൻ്റ് പട്ടികയിൽ മൂന്നാം സ്ഥാനത്താണ്. 6 മത്സരങ്ങളിൽ നിന്നും 4 പോയിൻ്റുമായി പോയിൻ്റ് പട്ടികയിൽ എട്ടാംസ്ഥാനത്താണ് കൊൽക്കത്ത.

ഞായറാഴ്ച നടന്ന ആദ്യ മത്സരത്തിൽ രാജസ്ഥാൻ റോയൽസിനെതിരെ റോയൽ ചാലഞ്ചേഴ്സ് ബാംഗ്ലൂർ വിജയിച്ചു. ഏഴ് റൺസിനാണ് ബാംഗ്ലൂരിൻ്റെ ജയം.
തോൽവി ഏറ്റുവാങ്ങിയെങ്കിലും ഐപിഎൽ പോയിൻറ് പട്ടികയിൽ രാജസ്ഥാൻ ഒന്നാം സ്ഥാനത്താണ്. 7 മത്സരങ്ങളിൽ നിന്നും നാല് വിജയവുമായി എട്ട് പോയിൻ്റാണ് രാജസ്ഥാൻ റോയൽസിനുള്ളത്. എഴു കളികളിൽ നിന്നും 8 പോയിൻ്റുമായി പഞ്ചാബ് കിംഗ്സ് പോയിൻ്റ് പട്ടികയിൽ ആറാം സ്ഥാനത്താണ്.