ലോകം മുഴുവന്‍ ആരാധകരെ സൃഷ്ടിച്ച പ്രമുഖ ഐറിഷ് പോപ്പ് ഗായിക സിനേഡ് ഓ കോന്നര്‍ (56) അന്തരിച്ചു. കുടുംബമാണ് ബുധനാഴ്ച വൈകുന്നേരം മരണവിവരം അറിയിച്ചത്
‘നത്തിങ് കംപയേഴ്‌സ് ടു യു’ എന്ന പ്രശസ്തമായ ഗാനത്തിലൂടെയാണ് സിനേഡ് ആരാധക മനസ്സുകളില്‍ ഇടം നേടിയത്. 1990-ല്‍ പുറത്തിറങ്ങിയ ‘നത്തിങ് കംപയേഴ്‌സ് ടു യു’ ലോകത്താകമാനം ഹിറ്റ്‌ലിസ്റ്റില്‍ ഒന്നാമതെത്തി.
സിനേഡിന്റെ മകൻ ഷെയ്ൻ (17) ആത്മഹത്യ ചെയ്ത് 18 മാസങ്ങൾക്ക് ശേഷമാണ് ഗായികയുടെ മരണം. താൻ മാനസികവും ശാരീരികവുമായ ആരോഗ്യപ്രശ്നങ്ങൾ നേരിടുന്നതായി താരം പലപ്പോ‍ഴും പറഞ്ഞിട്ടുണ്ട്.
പ്രശസ്തമായ പത്ത് സംഗീത ആല്‍ബങ്ങള്‍ സിനേഡിന്റേതായിട്ടുണ്ട്.1987-ല്‍ പുറത്തിറങ്ങിയ, ആദ്യ ആല്‍ബം ലയണ്‍ ആന്‍ഡ് കോബ്ര അമേരിക്കയിലും ബ്രിട്ടനിലും ഹിറ്റായിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
