എൽഡിഎഫിന്റെ നിലപാടുകൾക്ക് പിന്തുണയുമായി യാക്കോബായ സഭ രംഗത്ത്. സഭയുടെ പ്രതിസന്ധികളിൽ സഹായിച്ചവരെ ലോക്‌സഭ തെരഞ്ഞെടുപ്പിൽ തിരിച്ച് സഹായിക്കണമെന്ന് സഭാ നേതൃത്വം ആഹ്വാനം ചെയ്തു. മലങ്കര മെത്രാപ്പൊലീത്ത ജോസഫ് ഗ്രിഗോറിയസ് വിശ്വാസികൾക്ക് നൽകിയ സന്ദശേത്തിലാണ് സഭയുടെ നിലപാട് വ്യക്തമാക്കിയത്.
മുഖ്യമന്ത്രി നടത്തിയ പ്രസംഗം ചൂണ്ടിക്കാണിച്ചാണ് മലങ്കര മെത്രാപ്പൊലീത്ത അവരുടെ നിലപാട് ഇപ്പോൾ വ്യക്തമാക്കിയിരിക്കുന്നത്. മുഖ്യമന്ത്രിയുടെ പ്രഖ്യാപനം പ്രത്യാശ നൽകുന്നതെന്ന് ജോസഫ് ഗ്രിഗോറിയസ് അഭിപ്രായപ്പെട്ടു. യാക്കോബായ സഭയുടെ മൂല്യങ്ങളെ സംരക്ഷിക്കണമെന്നായിരുന്നു മുഖ്യമന്ത്രിയുടെ പ്രസംഗം. ഇതാണ് പ്രതീക്ഷ നൽകുന്ന വാക്കുകളായി സഭ ഏറ്റെടുത്തത്.
അതേസമയം, കഴിഞ്ഞ നിയമസഭ തെരഞ്ഞെടുപ്പിലും എൽഡിഎഫിനൊപ്പം ചേർന്ന് നിൽക്കുന്ന നിലപാട് തന്നെയായിരുന്നു യാക്കോബായ സഭ സ്വീകരിച്ചിരുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
