കോടീശ്വരനെന്ന് കള്ളം പറഞ്ഞ് ടിൻഡറിൽ അടുപ്പം തുടങ്ങി, വിശ്വസിച്ച യുവതി പണത്തിന് വേണ്ടി യുവാവിനെ തട്ടിക്കൊണ്ടുപോയി കൊന്നു

ടിൻഡർ വഴി പരിചയപ്പെട്ട യുവാവിനെ തട്ടിക്കൊണ്ടുപോയി കൊന്ന കേസിൽ പ്രതികൾക്ക് ശിക്ഷ വധിച്ച് കോടതി. 2018 ൽ ജയ്‌പൂരിലാണ് കേസിനാസ്പദമായ സംഭവം നടന്നത്. ദു​ഷ്യ​ന്ത് ശ​ർ​മ​യെന്ന 28 കാരനെ യുവതിയും കൂട്ടാളികളായും പണത്തിന് വേണ്ടി കൊലപ്പെടുത്തുകയായിരുന്നു. സംഭവത്തിൽ പ്ര​തി​ക​ളായ മൂന്ന് പേർക്കും ജ​യ്പൂ​ർ കോ​ട​തി ജീ​വ​പ​ര്യ​ന്തം ത​ട​വ് ശി​ക്ഷ​യാ​ണ് വി​ധി​ച്ചി​രി​ക്കു​ന്ന​ത്.

ALSO READ: “പോയെടാ എന്റെ കുട്ടി പോയി…അവള്‍ പോയില്ലേ, ഇനി എന്തിനാണിവിടെ നില്‍ക്കുന്നത്” ! പൊട്ടിക്കരഞ്ഞ് ആനിന്റെ അച്ഛന്‍

വി​വാ​ഹി​ത​നാ​യ ദു​ഷ്യ​ന്ത് വി​വാ​ൻ കോ​ലി എ​ന്നാ​ണ് ത​ന്‍റെ പേ​രെ​ന്നും കോ​ടീ​ശ്വ​ര​നാ​യ ബി​സി​ന​സു​കാ​ര​നാ​ണെ​ന്നും പ്രി​യ എന്ന യുവതിയോട് കള്ളം പറഞ്ഞാണ് സൗഹൃദം ആരംഭിച്ചത്. എന്നാൽ ദു​ഷ്യ​ന്ത് കോ​ടീ​ശ്വ​ര​നാ​ണെ​ന്ന് ക​രു​തി​യ പ്രി​യ പ​ണ​ത്തി​നാ​യി ഇ​യാ​ളെ ത​ട്ടി​ക്കൊ​ണ്ടു​പോ​രാ​ൻ പ​ദ്ധ​തി​യിട്ടു. തുടർന്ന് ഒരു വാടക മുറിയിൽ വെച്ചാണ് ​ഇരു​വ​രും പരസ്പരം ക​ണ്ടു​മു​ട്ടി​യ​ത്. ദു​ഷ്യ​ന്തി​നെ ത​ട്ടി​ക്കൊ​ണ്ടു​പോ​യി പ​ണം ത​ട്ടു​ക എ​ന്ന ല​ക്ഷ്യ​ത്തോ​ടെ മാ​ത്ര​മാ​യി​രു​ന്നു പ്രി​യ എ​ത്തി​യ​ത്.

ALSO READ: ഉത്തരകാശി അപകടം; ഓഗര്‍ ഡ്രില്ലിങ് യന്ത്രഭാഗങ്ങള്‍ നീക്കുന്നതില്‍ പുരോഗതി

സു​ഹൃ​ത്തു​ക്ക​ളാ​യ ദീ​ക്ഷ​ന്ത് ക​മ്ര​യു​ടെ​യും ല​ക്ഷ്യ വാ​ലി​യ​യു​ടെ​യും സ​ഹാ​യ​ത്തോ​ടെയാണ് പ്രിയ യുവാവിന്റെ വീട്ടിലെത്തിയത്. വീ​ട്ടി​ലേ​ക്ക് ക​യ​റി​യ ഉ​ട​ൻ ത​ന്നെ ഇവർ മൂന്നുപേരും ചേർന്ന് ദു​ഷ്യ​ന്ത് ശ​ർ​മ​യെ ത​ട്ടി​ക്കൊ​ണ്ടു​പോ​വു​ക​യാ​യി​രു​ന്നു. തുടർന്ന് മോ​ച​ന​ദ്ര​വ്യ​ത്തി​നാ​യി വി​ളി​ച്ച​പ്പോ​ഴാ​ണ് ഡ​ൽ​ഹി വ്യ​വ​സാ​യി സ​മ്പ​ന്ന​ന​ല്ലെ​ന്ന് അ​വ​ർ​ക്ക് മ​ന​സി​ലാ​യ​ത്. ദു​ഷ്യ​ന്തി​ന്‍റെ കു​ടും​ബം 10 ല​ക്ഷം രൂ​പ ന​ൽ​കാ​ത്ത​തി​നെ തു​ട​ർ​ന്ന് പ്ര​തി​ക​ൾ ദു​ഷ്യ​ന്തി​നെ കു​ത്തി​യും ത​ല​യ​ണ ഉ​പ​യോ​ഗി​ച്ച് ശ്വാ​സം മു​ട്ടി​ച്ചും കൊ​ല​പ്പെ​ടു​ത്തു​ക​യാ​യി​രു​ന്നു.