ജമ്മു കാശ്മീരിലെ വാഹനപകടത്തിൽ പരിക്കേറ്റ് ചികിത്സയിലുണ്ടായിരുന്ന മൂന്ന് പേരിൽ ഒരാൾ കൂടി മരിച്ചു. ചിറ്റൂർ നെടുങ്ങോട് സ്വദേശിയായ മനോജ്‌(24) ആണ് മരിച്ചത്. ഇന്ന് രാവിലെ 10:20 നായിരുന്നു മരണം സംഭവിച്ചത്. സ്ഥലം എം.എൽ.എയും വൈദ്യുതി വകുപ്പ് മന്ത്രിയുമായ കെ. കൃഷ്ണൻകുട്ടി മുഖ്യമന്ത്രിയുമായി സംസാരിച്ച് മൃതദേഹം നാട്ടിലേക്ക് കൊണ്ടുവരാനുള്ള നടപടികൾ പുരോഗമിക്കുകയാണ്.
Also read:കാനത്തെ അവസാനമായി കണ്ട് വിതുമ്പിക്കരഞ്ഞ് ഡി രാജ; ആശ്വസിപ്പിച്ച് എ കെ ആന്റണി
ഇതോടെ ജമ്മു കശ്മീരിൽ ഉണ്ടായ വാഹനാപകടത്തില്‍ മരിച്ച ആളുകളുടെ എണ്ണം എട്ടായി. സോനമാർഗിലേക്കുള്ള യാത്രക്കിടെയാണ് വിനോദ സഞ്ചാരികളുടെ വാഹനം റോഡിൽ നിന്ന് നിയന്ത്രണം വിട്ട് കൊക്കയിലേക്ക് മറിഞ്ഞത്. ശ്രീനഗർ – ലേ ദേശീയപാതയിലാണ് അപകടമുണ്ടായത് . സോജിലാ പാസിലാണ് അപകടം.ടാക്സി കാറിന്റെ നിയന്ത്രണം നഷ്ടപ്പെട്ട് കൊക്കയിലേക്ക് വീണാണ് അപകടം ഉണ്ടായത്. അപകടത്തില്‍ മരിച്ചവര്‍ പാലക്കാട് ചിറ്റൂര്‍ സ്വദേശികളാണ്. സുധേഷ്, അനില്‍, രാഹുല്‍, വിഗ്‌നേഷ് എന്നിവരാണ് മരിച്ച മലയാളികൾ. ഡ്രൈവര്‍ ഐജാസ് അഹമ്മദും മരിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
