അയോധ്യ പ്രതിഷ്ഠാ ദിനം; ‘മതനിരപേക്ഷ രാഷ്ട്രത്തിന്റെ നാഥന്‍തന്നെ ഈ പ്രക്രിയയ്ക്ക് നേതൃത്വം നല്കുന്നു എന്നതാണ് കാലഘട്ടത്തിന്റെ ദുരന്തം’: ഡോ. ജോണ്‍ ബ്രിട്ടാസ് എം പി

ഏവരുടെയും ഭക്തിയും വിശ്വാസവും സംരക്ഷിക്കാനും പരിപാലിക്കാനും പരിപോഷിപ്പിക്കാനും ഉതകുന്ന ഭരണഘടനയാണ് നമ്മുടേതെന്ന് ഡോ. ജോണ്‍ ബ്രിട്ടാസ് എം പി. അവിടെനിന്നു നമ്മള്‍ എത്രത്തോളം വ്യതിചലിക്കുന്നു എന്നതിനെക്കുറിച്ചുള്ള ആത്മപരിശോധനയുടെ ദിനമാണ് അയോധ്യ പ്രതിഷ്ഠാ ദിനമായി ഇന്ന് എന്ന് ജോണ്‍ ബ്രിട്ടാസ് എം പി ഫേസ്ബുക്കില്‍ കുറിച്ചു. ഏവരെയും ഒരുപോലെ ചേര്‍ത്തുനിര്‍ത്തേണ്ട മതനിരപേക്ഷ രാഷ്ട്രത്തിന്റെ നാഥന്‍തന്നെ ഈ പ്രക്രിയയ്ക്ക് നേതൃത്വം നല്കുന്നു എന്നതാണ് കാലഘട്ടത്തിന്റെ ദുരന്തമെന്നും ജോണ്‍ ബ്രിട്ടാസ് എം പി കുറിപ്പില്‍ പറയുന്നു.

കുറിപ്പ്

നാസി ജർമ്മനിയുടെ കൂട്ടക്കുരുതിയെ അതിജീവിച്ച വിശ്രുതകവി പോൾ സെലാന്റെ ശ്രദ്ധേയമായ ഒരു വരിയുണ്ട്: “The thousand darkness of death bringing voice.” – ചുള്ളിക്കാടിന്റെ പരിഭാഷയിൽ “മൃത്യുവാഹകമായ ശബ്ദത്തിന്റെ സഹസ്രാന്ധകാരം.”