കേരള മീഡിയ അക്കാദമിയുടെ ന്യൂമീഡിയ ആന്റ് ഡിജിറ്റൽ ജേർണലിസം ഡിപ്ളോമ കോഴ്സിലേക്ക് മെയ് 31 വരെ അപേക്ഷ ക്ഷണിച്ചു.കോഴ്സ് കാലാവധി ആറു മാസമാണ്.ഓൺലൈനായും ഓഫ് ലൈനായും ക്ളാസ് ലഭ്യമാണ്. സർക്കാർ അംഗീകാരമുള്ള കോഴ്സിന് 35,000 രൂപയാണ് ഫീസ്.ഏതെങ്കിലും വിഷയത്തിലുള്ള ബിരുദമാണ് വിദ്യാഭ്യാസ യോഗ്യത. പ്രായപരിധി ഇല്ല.
മൊബൈൽ ജേർണലിസം, എ ഐ, വെബ് ജേർണലിസം, റൈറ്റിങ് ടെക്നിക്സ്, ഫോട്ടോഗ്രാഫി, വീഡിയോഗ്രാഫി, വീഡിയോ എ‍‍ഡിറ്റിങ്, സോഷ്യൽ മീഡിയ, പ്രോഡ്കാസ്റ്റിങ് തുടങ്ങിയവയിൽ പ്രായോഗിക പരിശീലനം നൽകും. അപേക്ഷ ഫോറം ഡൗൺലോഡ് ചെയ്ത് സെക്രട്ടറി, കേരള മീഡിയ അക്കാദമി, കാക്കനാട്, കൊച്ചി 30, കേരള മീഡിയ അക്കാദമി സബ്സെന്റർ, ശാസ്തമംഗലം തിരുവനന്തപുരം വിലാസത്തിലോ Kmanewmedia@gmail.com എന്ന ഇ മെയിൽ ഐഡിയിലോ അയക്കാം. കൂടുതൽ വിവരങ്ങൾക്ക്: WWW. keralamediaacademy.org .ഫോൺ: 8848277081, 0484 2422275.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
