യുപിയിലെ ഫത്തേഹ്പൂര്‍ ജില്ലയില്‍ കഴിഞ്ഞ അര്‍ധരാത്രി മാധ്യമപ്രവര്‍ത്തകന്‍ കുത്തേറ്റ് മരിച്ചു. 38കാരനായ ദിലീപ് സെയ്‌നിയാണ് കൊല്ലപ്പെട്ടത്. ദിലീപുമായി ശത്രുതയിലുള്ളവരാണ് സംഭവത്തിന് പിന്നിലെന്നും ഇവരുമായി ചില തര്‍ക്കങ്ങളുണ്ടായിരുന്നുവെന്നുമാണ് വിവരം.
സംഭവത്തില്‍ ബിജെപി ന്യൂനപക്ഷ നേതാവും ദിലീപിന്റെ സുഹൃത്തുമായ ഷാഹിദ് ഖാന് പരിക്കേറ്റിട്ടുണ്ട്. രാത്രി ഒരുമിച്ച് ഭക്ഷണം കഴിച്ചുകൊണ്ടിരിക്കുന്നതിനിടയില്‍ ദിലീപിന് ഒരു ഫോണ്‍ കോള്‍ വന്നെന്നും പിന്നാലെ അക്രമികള്‍ വീടിനകത്തേക്ക് കടന്ന് ദിലീപിനെ കുത്തുകയും വെടിവെയ്ക്കുകയും ചെയ്‌തെന്നാണ് ഷാഹിദിന്റെ മൊഴി.
ദിലീപിന്റെ ജില്ലി ആശുപത്രിയില്‍ എത്തിച്ചെങ്കിലും അവിടെ നിന്ന് കാന്‍പൂര്‍ ലാലാ ലജ്പത് റായി ആശുപത്രിയിലേക്ക് മാറ്റാന്‍ നിര്‍ദേശച്ചു. അങ്ങോട്ടെക്കുള്ള യാത്രാമധ്യേ മരിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
