‘ആ വലിയ കുടുംബത്തിൽ നിന്നുമാണ് മരുമകളായി വന്നത്, ദൈവത്തോട് നന്ദി പറയുന്നു’:വിവാഹ തിരക്കിൽ താരകുടുംബം

ജയറാം കുടുംബം വീണ്ടും കല്യാണ തിരക്കിലാണ്. മകൻ കാളിദാസിന്റെ വിവാഹമാണ് താരകുടുംബത്തിലെ മറ്റൊരു വിശേഷം. ഡിസംബർ 8 നു നടക്കുന്ന വിവാഹത്തിന്റെ പ്രീ വെഡിങ് ചടങ്ങുകൾ ഇതിനോടകം തന്നെ സോഷ്യൽ മീഡിയയിലടക്കം വൈറലാണ്. ഗുരുവായൂരിൽ വച്ചാണ് വിവാഹം നടക്കുക.

തരിണി കലിംഗരായർ ആണ് വധു. കാളിദാസിന്റെ വിവാഹത്തിനു മുന്നോടിയായുള്ള പ്രീ വെഡ്ഡിം​ഗ് ചടങ്ങിന്റെ ഫോട്ടോകളും വിഡിയോകളും ഇപ്പോൾ സോഷ്യൽ മീഡിയയിൽ വൈറലാകുകയാണ്. “എന്ത് പറയണമെന്നറിയില്ല. മൊത്തം ബ്ലാങ്കായിരിക്കുകയാണ്. എന്റെ ജീവിതത്തിലെ ഏറ്റവും പ്രധാനപ്പെട്ട, സന്തോഷകരമായ നിമിഷമാണിത്. തരിണിയ്ക്ക് ഒപ്പം പുതിയ ജീവിതം ആരംഭിക്കുകയാണ്. എട്ടാം തീയതി ​ഗുരുവായൂരിൽ വച്ച് വിവാഹമാണ്. എല്ലാവരുടെയും അനു​ഗ്രഹം ഉണ്ടായിരിക്കണം” എന്നാണ് കാളിദാസ് വേദിയിൽ പറഞ്ഞത്.

also read: ഒരു വിജയ് ചിത്രം ഞാൻ അഞ്ച് തവണ കണ്ടു അത്രക്കും തിയേറ്റര്‍ എക്സ്പീരിയന്‍സാണ് ആ സിനിമ നൽകിയത്: ലോകേഷ് കനകരാജ്
മാത്രമല്ല ജയറാം വേദിയിൽ ഇമോഷണലായി സംസാരിച്ചതും സോഷ്യൽ മീഡിയയിൽ വൈറലാകുകയാണ്. ഷൂട്ടിങ്ങിനൊക്കെ പോകുമ്പോൾ കലിംഗരായർ ഫാമിലിയെ കുറിച്ച് നിരവധി കേട്ടിട്ടുണ്ട്. ആ വലിയ കുടുംബത്തിൽ നിന്നും എന്റെ വീട്ടിലേക്ക് മരുമകളായി തരിണി വന്നത് ദൈവത്തിന്റെ പുണ്യമാണ്. ദൈവത്തോട് നന്ദി പറയുകയാണ്. ​തരിണി ഞങ്ങളുടെ മരുമകളല്ല മകൾ തന്നെയാണ്”, കാളിദാസിന്റെ വിവാഹം എന്നത് ഞങ്ങളെ സംബന്ധിച്ചിടത്തോളം ഒരു സ്വപ്നമാണ്. അതിന്ന് പൂർണമാകുകയാണ് .എന്നെ സംബന്ധിച്ച് ജീവിതത്തിലെ ഏറ്റവും സന്തോഷകരമായ ദിനമാണിന്ന് എന്നാണ് ജയറാം പറഞ്ഞത്.