62-ാമത് സംസ്ഥാന സ്കൂൾ കലോത്സവത്തിന് തിരിതെളിയിച്ച് മുഖ്യമന്ത്രി പിണറായി വിജയൻ. അടുത്ത വർഷം മുതൽ കലോത്സവ മാന്വൽ പ്രസിദ്ധീകരിക്കുമെന്ന് മന്ത്രി വി ശിവൻകുട്ടി പറഞ്ഞു. കേരളത്തിന്റെ കൂടുതൽ കലാരൂപങ്ങളും കലോത്സവത്തിൽ ഉൾപ്പെടുത്തും. നവകേരളം എന്ന ആശയമാണ് പൊതുവിദ്യാഭ്യാസ വകുപ്പ് മുന്നോട്ട് വയ്ക്കുന്നതെന്നും മന്ത്രി കൂട്ടിച്ചേർത്തു.
മുഖ്യമന്ത്രി പിണറായി വിജയൻ ഉദ്ഘാടനം നിർവഹിച്ച ചടങ്ങിൽ മന്ത്രിമാരായ വി ശിവൻ കുട്ടി, കെ.രാജൻ, കെ. എൻ ബാലഗോപൽ, കെ.ബി.ഗണേഷ് കുമാർ, ചിഞ്ചു റാണി, ചലച്ചിത്ര താരം നിഖില വിമൽ, ആശ ശരത്, എം പിമാർ, എം എൽ എ മാർ എന്നിവർ പങ്കെടുത്തു. ജനുവരി നാലുമുതൽ എട്ട് വരെയാണ് 62 ആമത് സംസ്ഥാന സ്കൂൾ കലോത്സവം അരങ്ങേറുക.
സ്വാഗതഗാനരചന, നൃത്താവിഷ്‌കാരം, ലോഗോ, കൊടിമരം എന്നിവ തയ്യാറാക്കിയവരെ ചടങ്ങിൽ ആദരിച്ചു. സമാപന ചടങ്ങിൽ നടൻ മമ്മൂട്ടി മുഖ്യാതിഥിയാകും.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
