ഈ അടുത്തിടെയാണ് നടി കീര്‍ത്തി സുരേഷ് വിവാഹിതയാവുന്നുവെന്ന വാര്‍ത്തകള്‍ പുറത്തുവന്നത്. ഏറെക്കാലമായി കീർത്തിയുടെ സുഹൃത്തായിരുന്ന ആന്റണി തട്ടിലുമായുള്ള വിവാഹം ഡിസംബറിൽ നടക്കുമെന്നാണ് പുറത്തുവന്ന റിപ്പോർട്ടുകൾ. കീര്‍ത്തിയുടെ പിതാവ് സുരേഷ് ഇക്കാര്യം സ്ഥിരീകരിച്ചിരുന്നു. എന്നാല്‍ കീര്‍ത്തിയോ ആന്റണിയോ ഒന്നും ഇക്കാര്യം പരസ്യമായി പ്രഖ്യാപിച്ചിരുന്നില്ല.
Also Read; ആരാണ് സൈനബ് റാവ്ജി? അക്കിനേനി കുടുംബത്തിലെ പുതിയ അതിഥിയെ അറിയാം
പുറത്തുവന്ന വാർത്തകളെ ശരിവെച്ചിരിക്കുകയാണ് ഇപ്പോൾ താരം. ആന്റണിക്കൊപ്പമുള്ള ചിത്രം ഇൻസ്റ്റാഗ്രാമിൽ പങ്കുവെച്ചാണ് വിവാഹവാര്‍ത്തകളോട് കീർത്തി പ്രതികരിച്ചിരിക്കുന്നത്. ’15 വര്‍ഷം, സ്റ്റില്‍ കൗണ്ടിങ് എപ്പോഴും ആന്റണി കീര്‍ത്തി’ എന്ന കുറിപ്പോടെയാണ് ആന്റണിക്കൊപ്പമുള്ള ചിത്രങ്ങള്‍ കീർത്തി പങ്കുവെച്ചത്.
സിനിമ താരങ്ങളുൾപ്പെടെ നിരവധിയാളുകളാണ് പോസ്റ്റിന് കമന്റുകളുമായി എത്തിയത്. ടോവിനോ തോമസ്, റാഷി ഖന്ന, കല്യാണി പ്രിയദർശൻ, ഐശ്വര്യ ലക്ഷ്മി, നിക്കി ഗൽ റാണി, തൃഷ, മാളവിക മോഹനന്‍, നസ്രിയ, അപര്‍ണ ബാലമുരളി തുടങ്ങിയവരുടെ കമന്റുകളും കാണാം. കീര്‍ത്തിയും ആന്റണിയും തമ്മില്‍ 15 വര്‍ഷത്തെ സൗഹൃദമുണ്ടെന്ന അഭ്യൂഹങ്ങൾ പരന്നിരുന്നു. ഇത് സ്ഥിരീകരിക്കുന്നതാണ് കീര്‍ത്തിയുടെ ഇപ്പോഴത്തെ പോസ്റ്റ്.
മുഴുവന്‍ സമയ ബിസിനസ്സുകാരനാണ് ഇപ്പോൾ എഞ്ചിനീയറായ ആന്റണി. കേരളം ആസ്ഥാനമായുള്ള ആസ്പെറോസ് വിന്‍ഡോസ് സൊല്യൂഷന്‍ ബിസിനസ്സിന്റെ ഉടമ കൂടിയാണ് ആന്റണി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
