കേരളം വീണ്ടും ഒന്നാമത്; ഉന്നത വിദ്യാഭ്യാസ മേഖലയിൽ ദേശീയ ശരാശരിയേക്കാൾ മികച്ചത്

ഉന്നത വിദ്യാഭ്യാസ മേഖലയിൽ കേരളം ദേശീയ ശരാശരിയേക്കാളും മികച്ചത്. ഓൾ കേരള ഹയർ എഡ്യൂക്കേഷൻ സർവേ 2021-22 പ്രകാരം ആകെ പ്രവേശനം നേടിയ വിദ്യാർത്ഥികളുടെ എണ്ണം, ലിംഗസമത്വം എന്നീ മാനദണ്ഡങ്ങളിൽ ദേശീയ ശരാശരിയേക്കാൾ മികച്ചതാണ് കേരളം. സംസ്ഥാനത്തെ സ്കൂളുകളിലും സർവകലാശാലകളിലും 60 ശതമാനം എൻറോൾമെൻറ് സ്ത്രീകൾക്കാണെന്നും കണക്കുകൾ സൂചിപ്പിക്കുന്നു.

Also Read: “കോപ്പറേറ്റീവ് ഫെഡറലിസമാണ് കേരളം എന്നും മുന്നോട്ടുവെക്കുന്നത്; ഈ വിധി ശുഭകരമായ ഒരു കാര്യമാണ്”: മന്ത്രി കെ എന്‍ ബാലഗോപാല്‍

ഓൾ ഇന്ത്യ സർവേ ഓൺ ഹയർ എജ്യുക്കേഷൻ 2021-22 ൻ്റെ കണ്ടെത്തലുകൾ അനുസരിച്ച് ദേശീയ തലത്തിൽ മൊത്തം എൻറോൾമെൻ്റിൻ്റെ 47.8% പെൺകുട്ടികളായിരുന്നു. ഒരു നിർദ്ദിഷ്‌ട പ്രായത്തിലുള്ളവർക്കിടയിലെ ഉന്നതവിദ്യാഭ്യാസത്തിൽ പങ്കാളിത്ത നിലവാരത്തിൻ്റെ ഒരു പ്രധാന സൂചകമാണ് ഗ്രോസ് എൻറോൾമെൻ്റ് റേഷ്യോ. 2021-22 ൽ, കേരളത്തിലെ മൊത്തത്തിലുള്ള ഗ്രോസ് എൻറോൾമെൻ്റ് റേഷ്യോ 41.3% ആയിരുന്നു.

Also Read: കൊച്ചി മെട്രോയുടെ ആദ്യ ഘട്ടം സമ്പൂര്‍ണം; തൃപ്പൂണിത്തുറയും വികസന പാതയിലേക്ക് കുതിക്കുകയാണെന്ന് മുഖ്യമന്ത്രി

ദേശീയ ശരാശരി 28.4 ശതമാനം ആണ്. പട്ടിക ജാതി പട്ടിക വർഗ വിഭാഗത്തിലെ വിദ്യാർത്ഥികൾക്ക് മികച്ച വിദ്യാഭാസം നൽകുന്ന കാര്യത്തിലും കേരളം മുൻപന്തിയിലാണ്.