യുവാവിനെ ട്രെയിനിൽ തൂങ്ങി മരിച്ച നിലയിൽ കണ്ടെത്തി. യശ്വന്ത്പൂര്‍ റെയില്‍വേ സ്റ്റേഷനിൽ മൈസൂരുവില്‍ നിന്നെത്തിയ ട്രെയിനിലാണ് തൂങ്ങി മരിച്ച നിലയിൽ കണ്ടെത്തിയത്. മരിച്ചയാളെ തിരിച്ചറിഞ്ഞിട്ടില്ല.
മൃതദേഹം കണ്ടത് ട്രെയിനിലെ ശുചീകരണ തൊഴിലാളികളാണ്. ആത്മഹത്യയാണെന്നാണ് പ്രാഥമിക നിഗമനം. യുവാവിന്റെ വസ്ത്രത്തില്‍നിന്ന് രണ്ട് ട്രെയിന്‍ ടിക്കറ്റുകള്‍ കണ്ടെടുത്തിട്ടുണ്ട്. ജനുവരി 15-ന് തൃശൂരില്‍നിന്ന് ബംഗളൂരുവിലേക്കും ജനുവരി 16-ന് ബെംഗളൂരുവില്‍നിന്ന് മൈസൂരുവിലേക്കും യാത്രചെയ്ത ടിക്കറ്റുകളാണ് കണ്ടെടുത്തത്. ഇതുസംബന്ധിച്ച കൂടുതല്‍ വിവരങ്ങള്‍ക്കായി ആര്‍പിഎഫ് സംഘം തൃശൂര്‍ ആര്‍പിഎഫുമായി ബന്ധപ്പെട്ടിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
