കേന്ദ്ര അവഗണനയ്‌ക്കെതിരെ ദില്ലിയില്‍ കേരളത്തിന്റെ പ്രതിഷേധം. ഫെബ്രുവരി 8ന് രാവിലെ 11 മണിക്ക് ദില്ലി ജന്ദര്‍മന്ദിറിന് മുന്നിലാണ് പ്രതിഷേധ പ്രകടനം. മുഖ്യമന്ത്രിയും മന്ത്രിമാരും പങ്കെടുക്കും. പ്രതിപക്ഷത്തിനും ക്ഷണമുണ്ട്. മറ്റ് സംസ്ഥാനങ്ങളിലെ മുഖ്യമന്ത്രിമാരെയും മന്ത്രിമാരെയും പ്രക്ഷോഭ വിവരം അറിയിക്കുമെന്ന് എല്‍ഡിഎഫ് കണ്‍വീനര്‍ ഇ പി ജയരാജന്‍ വര്‍ത്താസമ്മേളനത്തില്‍ അറിയിച്ചു.
Also Read: ‘രാജ്യത്ത് ഇന്ന് മതത്തെ വിമർശിച്ചാൽ ദേശവിരുദ്ധരാക്കുന്നു’: ബൃന്ദ കാരാട്ട്
യുഡിഎഫ് എംപിമാരും എംഎല്‍എമാരും കൂടി പ്രതിഷേധത്തില്‍ പങ്കെടുക്കണമെന്ന് അഭ്യര്‍ത്ഥിച്ചിട്ടുണ്ട്. എട്ടാം തീയതി വൈകിട്ട് 4 മുതല്‍ 6 മണിവരെ ബൂത്ത് അടിസ്ഥാനത്തില്‍ ഗൃഹസന്ദര്‍ശനം നടത്തും. കേരള ജനതയുടെ വികാരമായി പ്രതിഷേധം മാറണമെന്നും ഇ പി ജയരാജന്‍ പറഞ്ഞു.
എല്ലാ മേഖലയിലെയും എല്ലാ വിഭാഗം ആളുകളെയും അണിചേര്‍ക്കും. കേരളമാകെ ദില്ലി പ്രക്ഷോഭ സന്ദേശം എത്തിക്കും. വിപുലമായ ക്യാമ്പയിന്‍ നടത്തുമെന്നും ഇ പി ജയരാജന്‍ വ്യക്തമാക്കി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
