ക്യുഎസ് വേൾഡ് യൂണിവേഴ്സിറ്റി റാങ്കിങ്ങിൽ കേരള സർവകലാശാലക്ക് മികച്ച നേട്ടം. അന്താരാഷ്ട്ര തലത്തിൽ ഉന്നതവിദ്യാഭ്യാസ സ്ഥാപനങ്ങളുടെ നിലവാരം അളക്കുന്നതിനുള്ള ആഗോള റാങ്കിംഗ് സംവിധാനം ആയ ക്യുഎസ് (Quacquarelli Symonds) റാങ്കിങ്ങിന്റെ വേൾഡ് യൂണിവേഴ്സിറ്റി റാങ്കിങ്ങിസ് ഏഷ്യ 2025 ൽ കേരള സർവകലാശാലക്ക് 339 – മത് സ്ഥാനം ലഭിച്ചു. വേൾഡ് യൂണിവേഴ്സിറ്റി റാങ്കിങ്ങിസ് സൗതേൺ ഏഷ്യ യിൽ 88- മത് സ്ഥാനവും ലഭിച്ചു. സർവകലാശാലകളുടെ അക്കാദമിക നിലവാരം, ഗവേഷണ നിലവാരം, വിദ്യാർത്ഥി – അധ്യാപക അനുപാതം, ജോലി സാധ്യത, അന്താരാഷ്ട്ര നിലവാരമുള്ള അദ്ധ്യാപകരുടെ ലഭ്യത തുടങ്ങിയ പല മാനദണ്ഡങ്ങൾ പ്രകാരമാണ് ക്യുഎസ് റാങ്ക് നൽകുന്നത്.
സമീപ വർഷങ്ങളിൽ നാക് , എൻ ഐ ആർ എഫ് തുടങ്ങിയ ദേശീയ തലത്തിലെ അക്കാദമിക ഗുണനിലവാര സൂചികകളിലും റാങ്കിംഗിലും കേരള സർവകലാശാല കൈവരിച്ച മികച്ച നേട്ടങ്ങളുടെ പിൻതുടർച്ചയാണ് ക്യു എസിലെ മികച്ച പ്രകടനവും. ആഗോളതലത്തിൽ വിദ്യാർത്ഥികൾക്കും ഗവേഷകർക്കും ലോകോത്തര ഗവേഷണ-വിദ്യാഭ്യാസ സ്ഥാപനങ്ങൾ തിരഞ്ഞെടുക്കുന്നതിൽ സുപ്രധാന സൂചികകളിൽ ഒന്നാണ് ക്യു എസ് റാങ്കിംഗ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
