ഗവര്‍ണര്‍ക്ക് വീണ്ടും തിരിച്ചടി; കേരള സര്‍വകലാശാല സെനറ്റ് നിയമനം ഹൈക്കോടതി റദ്ദാക്കി

സർവ്വകലാശാലാ കേസുകളിലടക്കം സമീപകാലത്ത്   ഗവർണർക്ക് കോടതികളിൽ നിന്നും

 നേരിടേണ്ടി വന്നത് കനത്ത തിരിച്ചടികളാണ്.’ അതിൽ ഒടുവിലത്തേതാണ്

കേരള സർവ്വകലാശാല സെനറ്റിലേക്ക് ഇഷ്ടക്കാരെ നിയമിച്ച ഗവർണറുടെ നടപടി കോടതി റദ്ദാക്കിയത്.

കഴിഞ്ഞ ഏതാനും  മാസങ്ങൾക്കിടെ ഗവർണറുടെ പത്തോളം  നടപടികളാണ് കോടതി റദ്ദാക്കുകയോ തിരുത്തുകയോ ചെയ്തത്. താൻ ചെയ്യുന്നതെല്ലാം ഭരണഘടനാപരമാണെന്ന ഗവർണറുടെ അവകാശവാദത്തിന് കിട്ടിയ തിരിച്ചടി കൂടിയാണ് ഈ കോടതി ഉത്തരവുകൾ .

കേരളത്തിലെ സർവ്വകലാശാലകളിൽ നടക്കുന്നതെല്ലാം നിയമവിരുദ്ധമാണെന്നായിരുന്നു ഗവർണർ ആരിഫ് മുഹമ്മദ് ഖാൻ്റെ നിലപാട്. ചാൻസലറെന്ന അധികാരം ഉപയോഗിച്ച് സർവ്വകലാശാലകളിൽ നിയമം നടപ്പാക്കും എന്ന് അവകാശപ്പെട്ട് ഒട്ടേറെ കാര്യങ്ങൾ ഗവർണർ ചെയ്തു. സംസ്ഥാനത്തെ ഉന്നത വിദ്യാഭ്യാസ മേഖലയെ പ്രതിസന്ധിയിലാക്കുന്നതായിരുന്നു പല നടപടികളും. . സർവകലാശാലകളിൽ എന്തു നടക്കണമെന്ന് താൻ തീരുമാനിക്കും, വി സി മാരെ മുഴുവൻ താൻ തന്നെ നിയോഗിക്കും ഇതായിരുന്നു ഗവർണറുടെ നിലപാട്. പല ഘട്ടങ്ങളിലും ഗവർണർ പരിധി വിടുന്നതും കേരളം കണ്ടു.

മറുഭാഗത്ത് സർക്കാരും, ഗവർണറുടെ തെറ്റായ നടപടികൾ ബാധിച്ച ഇരകളും

നിയമവഴി തേടി. ഗവർണറുടെ നിലപാടുകളെ ഒന്നൊന്നായി ഹൈക്കോടതിയിൽ ചോദ്യം ചെയ്തു. വിഷയം സമഗ്രമായി പരിശോധിച്ച കോടതി ഗവർണറെ പലതവണ തിരുത്തി . ഗവർണർ ആരിഫ് മുഹമ്മദ് ഖാന് കേരള ഹൈക്കോടതിയിൽ നിന്നും ലഭിച്ച തിരിച്ചടികൾ നിരവധിയാണ്. അവയിൽ പ്രധാനപ്പെട്ട ചിലത്.

ഒടുവിൽ  കേരള സർവ്വകലാശാല സെനറ്റിലേക്ക് തന്നിഷ്ടപ്രകാരം സംഘപരിവാർ അനുകൂലികളെ തിരുകി കയറ്റിയ ആരിഫ് മുഹമ്മദ് ഖാൻ്റെ നടപടി റദ്ദാക്കിയിരിക്കുന്നു.

മുൻപ്  ബില്ലുകൾ പിടിച്ചു വച്ച വിഷയത്തിലുൾപ്പെടെ  സുപ്രീം കോടതിയിൽ നിന്നടക്കം ആരിഫ് മുഹമ്മദ് ഖാന് വലിയ  തിരിച്ചടികളായിരുന്നു നേരിട്ടത്.

ഹൈക്കോടതിയിലും സുപ്രീം കോടതിയിലുമായി  വിവിധ ബെഞ്ചുകളിലായി സർവകലാശാലകളുമായി ബന്ധപ്പെട്ടതും അല്ലാത്തതുമായ  ഒട്ടേറെ കേസുകൾ പരിഗണനയിലുമുണ്ട്.