കള്ളപ്പണവിതരണം ബിജെപി അറിഞ്ഞുകൊണ്ട് നടത്തിയതാണ്. എല്ലായിടത്തേക്കും കൊണ്ടുപോകാൻ കൊണ്ടുവന്നതിൽ കുറച്ച് കളവുപോയപ്പോഴാണ് സംഭവം പുറം ലോകം അറിഞ്ഞത്. ബിജെപി നേതൃത്വമാണ് കള്ളപ്പണം കൈകാര്യം ചെയ്തതെന്ന കാര്യം ഇപ്പോൾ വെളിപ്പെടുത്തലുകളിൽ കൂടി പുറത്തുവന്നുവെന്നും എം വി ഗോവിന്ദൻ മാസ്റ്റർ പറഞ്ഞു.
ബിജെപിയും കേന്ദ്ര നേതൃത്വവും എന്ത് കൊള്ള നടത്തിയാലും ഇഡി അത് അന്വേഷിക്കില്ല. ബിജെപി എന്ത് നിലപാടാണോ സ്വീകരിക്കുന്നത് അത് തന്നെയാണ് ഇഡിയുടെയും നിലപാടെന്നും എം വി ഗോവിന്ദൻ മാസ്റ്റർ പറഞ്ഞു.
ആറുകോടി രൂപ ബിജെപി ജില്ലാ കമ്മിറ്റി ഓഫീസിലേക്ക് എത്തി. അതിൻറെ ഒരു ശൃംഖല മാത്രമാണ് കൊടകരയെന്നും എല്ലാത്തിലും സമഗ്ര അന്വേഷണം വേണമെന്നും എം വി ഗോവിന്ദൻ മാസ്റ്റർ പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
