കോഴിക്കോട് താമരശ്ശേരി താലൂക്ക് അദാലത്ത് പുരോഗമിക്കുന്നു

കോഴിക്കോട് താമരശ്ശേരി താലൂക്ക് അദാലത്ത് പുരോഗമിക്കുന്നു. മന്ത്രിമാരായ പി എ മുഹമ്മദ് റിയാസ്, എ കെ ശശീന്ദ്രൻ എന്നിവരുടെ നേതൃത്വത്തിലാണ് അദാലത്ത്.  മാനദണ്ഡങ്ങളിൽ വരാത്ത പരാതികൾ പരിഗണിക്കാനുള്ള ക്രമീകരണം ഒരുക്കിയതായി മന്ത്രി പി എ മുഹമ്മദ് റിയാസ് അറിയിച്ചു.  

താമരശ്ശേരി മേരി മാതാ കത്തീഡ്രൽ ഹാളിലാണ് താലൂക്ക് അദാലത്ത്. മന്ത്രിമാരായ പി എ മുഹമ്മദ് റിയാസ്, എ കെ ശശീന്ദ്രൻ എന്നിവരുടെ നേതൃത്വത്തിൽ നടക്കുന്ന  അദാലത്തിൽ നിരവധി പേർ എത്തി. പരാതികൾ മന്ത്രിമാർ വിശദമായി കേട്ട് പരിഹാരം നിർദ്ദേശിക്കുന്നു.

ALSO READ; വീണ്ടും മഴ മുന്നറിയിപ്പിൽ മാറ്റം; മൂന്ന് ജില്ലകളിൽ ഓറഞ്ച് അലർട്ട്

ഉന്നത ഉദ്യോഗസ്ഥരുടെ സാന്നിധ്യത്തിലാണ് പ്രശ്ന പരിഹാരം സാധ്യമാകുന്നത്. മുൻകൂട്ടി നിശ്ചയിച്ച മാനദണ്ഡങ്ങൾക്ക് പുറത്തുള്ള പരാതികളും വരുന്നുണ്ട്. ഇവ പരിഗണിക്കാനുള്ള ക്രമീകരണം ഒരുക്കിയതായി മന്ത്രി പി എ മുഹമ്മദ് റിയാസ് അറിയിച്ചു. 

കോഴിക്കോട് ജില്ലയിൽ കോഴിക്കോട്, വടകര, കൊയിലാണ്ടി അദാലത്തുകൾ ഇതിനകം പൂർത്തിയായി. കോഴിക്കോട് 280, വടകര 246, കൊയിലാണ്ടി 245 പരാതികൾ പരിഹരിച്ചു. തുടർ നടപടികൾ നിർദ്ദേശിച്ച പരാതികളിൽ സമയ ബന്ധിതമായി തീരുമാനം എടുക്കാനാണ് മന്ത്രിമാർ നൽകിയ നിർദേശം.