എസ്എഫ്ഐ പ്രവർത്തകനെ വധിക്കാൻ ശ്രമിച്ച കേസ്; കെ എസ് യു പ്രവർത്തകൻ റിമാന്റിൽ

എസ്.എഫ്.ഐ പ്രവർത്തകനെ വധിക്കാൻ ശ്രമിച്ച കേസിൽ കെ.എസ്.യു പ്രവർത്തകനെ പൊലീസ് റിമാന്റ് ചെയ്തു. കൊല്ലം നിലമേൽ എൻ.എസ്.എസ് കോളേജിലെ കെ.എസ്.യു പ്രവർത്തകനായ രാകേഷിനെയാണ് അറസ്റ്റ് ചെയ്തത്. ഒളിവിലായിരുന്ന പ്രതി രാകേഷിനെ ചടയമംഗലത്ത് ബാറിൽ നിന്ന് പൊലീസ് പിടികൂടുകയായിരുന്നു.

Also read:സഹനസൂര്യന് വിട ; തലശേരി ടൗൺ ഹാളിൽ പൊതുദർശനം, അവസാനമായി ഒരുനോക്ക് കാണാൻ ആയിരങ്ങൾ

നിലമേൽ എൻഎസ്എസ് കോളേജ് ഓണാഘോഷത്തിനിടെ എസ്എഫ്ഐ പ്രവർത്തകനായ ആരോമലിനെ കല്ലുകൊണ്ടിടിച്ച് കൊലപ്പെടുത്താൻ ശ്രമിക്കുകയായിരുന്നു. ഓണാഘോഷം കഴിഞ്ഞ് വീട്ടിലേക്ക് മടങ്ങിയ മലയാളം ബിരുദ രണ്ടാംവർഷ വിദ്യാർഥി മടവൂർ കൃഷ്ണവിലാസത്തിൽ ആരോമലി (19)ന് തലയ്ക്കും മൂക്കിനും പരിക്കേറ്റിരുന്നു. കോളേജിലെ കെ.എസ്.യു പ്രവർത്തകരായ വിദ്യാർത്ഥികൾ ഒന്നടങ്കം എസ്എഫ്ഐയിൽ അണിചേരാൻ വഴിയൊരുക്കിയതും കോളേജ് യൂണിയന് പിരിവ് നൽകരുതെന്ന് പ്രതി രാജേഷ് സാമൂഹിക മാധ്യമത്തിൽ ഇട്ട പോസ്റ്റിനെ എസ്എഫ്ഐ പ്രവർത്തകനായ ആരോമൽ ചോദ്യം ചെയ്തതിലെ വിരോധമാണ് പ്രതി രാകേഷിനെ കൊലപാതക ശ്രമത്തിന് പ്രേരിപ്പിച്ചതെന്ന് പൊലീസ് എഫ്ഐആറിൽ പറയുന്നു.

Also read:ഉത്തരാഖണ്ഡിൽ ട്രക്കിങ്ങിനിടെ മരിച്ച അമലിന്റെ മൃതദേഹം ഇന്ന് വീട്ടിലെത്തിക്കും

സംഭവത്തിന് ശേഷം ഒളിവിൽ പോയ പ്രതിയെ കഴിഞ്ഞ ദിവസം ഓയൂരിലെ ബാറിൽ നിന്ന് പൊലീസ് പിടികൂടുകയായിരുന്നു. പ്രതി മദ്യ ലഹരിയിലായിരുന്നൊ എന്ന സംശയത്തെ തുടർന്ന് വൈദ്യ പരിശോധന നടത്തി. ചടയമംഗലം എസ്എച്ച്ഒ സുനീഷ്, എസ്ഐമാരായ മോനിഷ്, ദിലീപ് എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.