ഫണ്ട് പിരിവും തട്ടിപ്പുമാണ് മുസ്ലിം ലീഗില്‍ കുറച്ചു നാളായി നടക്കുന്നതെന്ന് മുന്‍ മന്ത്രി കെ ടി ജലീല്‍. കത്വ- ഉന്നാവോ ഫണ്ട് തട്ടിപ്പിന്റെ സത്യം പുറത്തുവരും. വിവാദമുയര്‍ത്തി രക്ഷപ്പെടാന്‍ ശ്രമിക്കേണ്ടെന്നും കെ ടി ജലീല്‍ പറഞ്ഞു.
കത്വ- ഉന്നാവോ ഫണ്ട് വിവാദത്തില്‍ കോലാഹലമുണ്ടാക്കി രക്ഷപ്പെടാനാണ് യൂത്ത് ലീഗ് ശ്രമിക്കുന്നത്. ഏത് അന്വേഷണ ഉദ്യോഗസ്ഥരെയും സ്വാധീനിക്കാന്‍ ലീഗിന് പ്രത്യേക കഴിവുണ്ട്. അതുകൊണ്ടാണ് കത്വ ഫണ്ട് തട്ടിപ്പ് കള്ളമാണെന്നു കുന്നമംഗലം സി ഐ കോടതിയില്‍ റിപ്പോര്‍ട്ട് നല്‍കിയത്. പല കേസുകളും ഇല്ലാതായിട്ടുണ്ട്. സമാനമായ രീതിയില്‍ കത്വ- ഉന്നാവോ ഫണ്ട് വിവാദം കെടുത്തി കളയമെന്നാണ് ലീഗ് ആഗ്രഹിക്കുന്നത്. തട്ടിപ്പില്‍ ലീഗിന്റെ പാത പിന്തുടര്‍ന്നാണ് യൂത്ത് ലീഗും പ്രവര്‍ത്തിക്കുന്നത്. ലീഗിനുള്ളില്‍ നടക്കേണ്ട ചര്‍ച്ചയാണ് പുറത്തുള്ള താന്‍ ഏറ്റെടുത്തിരിക്കുന്നതെന്നും കെ ടി ജലീല്‍ പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
