അഭിമാനനേട്ടവുമായി കുടുംബശ്രീയുടെ കൊച്ചി സരസ് ഉല്‍പന്ന പ്രദര്‍ശന വിപണന മേള.11.84 കോടി രൂപയാണ് കൊച്ചി സരസ് ഉല്‍പന്ന പ്രദര്‍ശന വിപണന മേളയിലെ ആകെ വിറ്റുവരവ്. മന്ത്രി എം ബി രാജേഷ് പങ്കുവെച്ച ഫേസ്ബുക് പോസ്റ്റിൽ ഇക്കാര്യം വ്യക്തമാക്കി. ഉല്‍പന്ന വിപണനം വഴി 10,45,34,130 രൂപയും ഫുഡ് കോര്‍ട്ടു വഴി 1,39,20,816 രൂപയും വരുമാനം ലഭിച്ചുവെന്നും മേളയില്‍ പങ്കെടുത്ത അഞ്ഞൂറിലേറെ സംരംഭകര്‍ക്കാണ് ഈ വരുമാനമത്രയും ലഭിക്കുക എന്നും മന്ത്രി കുറിച്ചു.
ALSO READ: വയനാട്ടിൽ കെഎസ്ആർടിസി ബസ് താഴ്ചയിലേക്ക് മറിഞ്ഞ് അപകടം
ഡിസംബര്‍ 21 മുതല്‍ ജനുവരി രണ്ടു വരെ എറണാകുളം ജവഹര്‍ലാല്‍ നെഹ്റു സ്റ്റേഡിയത്തിലായിരുന്നു മേള സംഘടിപ്പിച്ചത്. ഇക്കുറി ഫുഡ് കോര്‍ട്ടിലേക്കാവശ്യമായ മുഴുവന്‍ കോഴിയിറച്ചിയും വിതരണം ചെയ്തത് കുടുംബശ്രീ കേരള ചിക്കന്‍ ഔട്ട്ലെറ്റുകള്‍ വഴിയാണെന്ന വിവരവും മന്ത്രി വ്യക്തമാക്കി.ദേശീയ സരസ് മേളയോടനുബന്ധിച്ച് കുടുംബശ്രീ രണ്ട് ലോകറെക്കോഡുകൾ സ്വന്തമാക്കിയ സന്തോഷവും മന്ത്രി പങ്കുവെച്ചു. എല്ലാ കുടുംബശ്രീ പ്രവർത്തകർക്കും മന്ത്രി അഭിനന്ദനങ്ങൾ അറിയിച്ചു.
ALSO READ: ഇന്ത്യ മുന്നണിയിലെ സീറ്റ് വിഭജന ചർച്ച; ബീഹാറിൽ കോൺഗ്രസും ആർജെഡിയും തമ്മിൽ ധാരണയായില്ല
മന്ത്രി എം ബി രാജേഷിന്റെ ഫേസ്ബുക് പോസ്റ്റ്
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
