മെഗാ സ്റ്റാര്‍ മമ്മൂട്ടിയുടെ ടര്‍ബോ എന്ന ചിത്രം തിയേറ്ററുകളില്‍ ഹൗസ്ഫുള്ളായി പ്രദര്‍ശനം തുടരുമ്പോള്‍ സൂപ്പര്‍സ്റ്റാര്‍ മോഹന്‍ലാല്‍ പങ്കുവച്ച ചിത്രങ്ങളാണ് സോഷ്യല്‍ മീഡിയയില്‍ വൈറലായിരിക്കുന്നത്.
ALSO READ: ഡിഫൻസിൽ അവസരം; വിവിധ സൈനിക വിഭാഗങ്ങളിലായി 459 ഒഴിവ്
ലാലിന്റെ പ്രിയ സുഹൃത്തും നിര്‍മാതാവുമായ ആന്റണി പെരുമ്പാവൂറിന്റെ ജന്മദിനവും വിവാഹ വാര്‍ഷികവും ഒരു ദിവസമാണ്. ഇരട്ടി സന്തോഷത്തിന് ആശംസകളറിയിക്കാന്‍ നേരിട്ട് എത്തിയ ലാലേട്ടന്‍ ധരിച്ചിരുന്ന ഷര്‍ട്ടാണ് ആരാധകര്‍ ഏറ്റെടുത്തിരിക്കുന്നത്. ടര്‍ബോയില്‍ മമ്മൂക്ക ധരിച്ച ഷര്‍ട്ടല്ലേ ഇതെന്നാണ് ആരാധകര്‍ ചോദിക്കുന്നത്. ബ്ലാക്ക് ഷര്‍ട്ടില്‍ കിടിലന്‍ ലുക്കിലാണ് ലാലേട്ടന്‍ ചിത്രത്തിലുള്ളത്.
അതേസമയം ആന്റണിക്കുള്ള ലാലേട്ടന്റെ ആശംസാ കുറിപ്പ് ഇങ്ങനെയാണ്
ആന്റണി, നന്ദി നിങ്ങളുടെ സാന്നിധ്യത്തിന്, സ്‌നേഹത്തിന്, സൗഹൃദത്തിന്, ജന്മദിനാശംസകള്‍, പ്രിയ സുഹൃത്തിന്!
ഒന്നിച്ച് ഒരുമയുടെ മറ്റൊരു വര്‍ഷം കൂടി ആഘോഷിക്കുന്ന ശാന്തിക്കും ആന്റണിക്കും, നിങ്ങളുടെ സ്‌നേഹം കൂടുതല്‍ ആഴത്തിലാവട്ടെ, നിങ്ങളുടെ ബന്ധം ഓരോ ദിനവും ദൃഢമാകട്ടെ, വിവാഹ വാര്‍ഷികാശംസകള്‍!… എന്നാണ് ലാലേട്ടന്‍ കുറിച്ചത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
